அரசியலமைப்பின் 2வது பிரிவில் மாற்றம் கோரிக்கை
இந்த முன்மொழிவை பைரனீஸ்-அட்லாண்டிக் தொகுதியைச் சேர்ந்த சோசலிஸ்ட் கட்சியுடன் இணைந்த நாடாளுமன்ற உறுப்பினர் Peio Dufau மற்றும் மோர்பிஹான் தொகுதியைச் சேர்ந்த Liot கட்சி உறுப்பினர் Paul Molac ஆகியோர் செவ்வாய்க்கிழமை தாக்கல் செய்தனர். இதுகுறித்த தகவல் அக்டோபர் 7 புதன்கிழமை வெளியானது.
அரசியலமைப்பின் 2வது பிரிவு, “குடியரசின் மொழி பிரெஞ்சு” என்று குறிப்பிடுகிறது. இந்தப் பிரிவு முதலில் ஆங்கிலம் மற்றும் பிற வெளிச்சொற்களிலிருந்து பிரெஞ்சு மொழியைப் பாதுகாக்க உருவாக்கப்பட்டதாக Peio Dufau கூறினார். ஆனால், அரசியலமைப்பு கவுன்சிலின் விளக்கங்களால் இது பிராந்திய மொழிகளை ஊக்குவிக்கும் நடவடிக்கைகளுக்கு தடையாக மாறியுள்ளதாக அவர் தெரிவித்தார்.
2021ஆம் ஆண்டின் Molac சட்டத்தில் பிராந்திய மொழிகளின் பாதுகாப்பு மற்றும் மேம்பாட்டுக்கான சில விதிகளை அரசியலமைப்பு கவுன்சில் ரத்து செய்திருந்தது. பாஸ்க் மற்றும் காஸ்கான் மொழிகளில் நகராட்சி நடவடிக்கைகளை முன்னெடுத்த சில முயற்சிகளும் அரச அதிகாரிகளால் எதிர்க்கப்பட்டதாக Dufau குறிப்பிட்டார்.
பிரெஞ்சு மொழியும் பிராந்திய மொழிகளும் போட்டியல்ல, ஒன்றுக்கொன்று துணையாக இருக்க வேண்டும் என்பதே முன்மொழிவின் நோக்கம். French regional languages bill-க்கு ஏற்கனவே 80-க்கும் மேற்பட்ட நாடாளுமன்ற உறுப்பினர்கள், LR முதல் LFI வரை, ஆதரவு கையெழுத்திட்டுள்ளனர்.
