AI chatbot மூலம் அரசுத் தகவல்களை அணுகும் வசதி
America.gov AI portal-ன் மையமாக உள்ள AI chatbot, இயல்பான மொழியில் கேட்கப்படும் கேள்விகளுக்கு அமெரிக்க அரசின் அதிகாரப்பூர்வ ஆதாரங்களை அடிப்படையாகக் கொண்டு பதிலளிக்கும். கடவுச்சீட்டு பெறுதல் அல்லது புதுப்பித்தல், சமூகப் பாதுகாப்பு மற்றும் தேசியப் பூங்காவில் முகாமிட இடம் முன்பதிவு செய்தல் போன்ற தகவல்களை பயனர்கள் கேட்கலாம்.
அடுத்த ஆண்டு முதல் முழுமையான கடவுச்சீட்டு விண்ணப்ப செயல்முறையை America.gov மூலம் முடிக்க முடியும் என வெளியுறவு அமைச்சர் மார்கோ ரூபியோ தெரிவித்துள்ளார். Medicare திட்டத்தில் பதிவு செய்வதற்கான வசதியும் அடுத்த ஆண்டுக்குள் வேறு அரசுத் தளத்துக்குச் செல்லாமல் கிடைக்கும் என எதிர்பார்க்கப்படுகிறது.
இந்தத் தளத்தை உருவாக்குவதில், ஆகஸ்ட் 2025 நிர்வாக உத்தரவின் கீழ் உருவாக்கப்பட்ட National Design Studio உள்ளிட்ட அமைப்புகள் பங்கேற்கின்றன. Airbnb இணை நிறுவனர் ஜோ கெப்பியா அதன் தலைவராக உள்ளார்.
தொடக்கச் சோதனைகளில் வெளிப்பட்ட முரண்பாடுகள்
இருப்பினும், தொடக்கச் சோதனைகளில் சில முரண்பாடுகள் வெளிப்பட்டன. 2020 அதிபர் தேர்தலில் பரவலான மோசடி நடந்ததாக உறுதி செய்யும் ஆதாரங்கள் இல்லை என்றும், 22வது அரசியலமைப்பு திருத்தத்தின்படி ஒருவர் இருமுறை மட்டுமே அதிபராகத் தேர்ந்தெடுக்கப்பட முடியும் என்றும் America.gov AI portal பதிலளித்தது.
பென்டகன் பெயர், காலநிலை மாற்றம் உள்ளிட்ட கேள்விகளுக்கும் அதிகாரப்பூர்வ நிலைப்பாடுகளுக்கு ஏற்ப பதில்கள் வழங்கப்பட்டன. பின்னர் சில அரசியல் கேள்விகளுக்கு பதிலளிக்க முடியாது என தளம் தெரிவித்தது.
