எதிர்கால சட்ட மாற்றம் குடியுரிமையை ரத்து செய்யுமா?
இந்தச் சட்டத்தின் கீழ் குடியுரிமை பெற்றவர்களின் நிலையை, எதிர்கால நாடாளுமன்றம் சட்டத்தை மாற்றினால் தானாக ரத்து செய்ய முடியாது என குடியேற்ற சட்ட நிபுணர் தெரிவித்துள்ளார். நாடாளுமன்றம் எதிர்காலத்தில் குடியுரிமைச் சட்டத்தை மாற்றலாம். ஆனால் அந்த மாற்றம் பொதுவாக எதிர்கால நடவடிக்கைகளுக்கே பொருந்தும்.
2009ஆம் ஆண்டு கனடா குடியுரிமை வழித்தோன்றல் விதிகளில் முதல் தலைமுறை வரம்பை அறிமுகப்படுத்தியபோதும், ஏற்கனவே கனேடியர்களாக இருந்தவர்களின் குடியுரிமை பறிக்கப்படவில்லை. எனவே, தற்போதைய சட்டத்தின் கீழ் IRCC ஒருவர் கனேடிய குடிமகன் எனத் தீர்மானித்து சான்றிதழ் வழங்கினால், அது தற்காலிகமான அல்லது நிபந்தனைக்குட்பட்ட நிலையாக கருதப்படாது.
Canada Bill C-3 citizenship மாற்றப்பட வேண்டுமெனில், சட்ட மசோதா நாடாளுமன்றத்தின் இரு அவைகளிலும் பல கட்டங்களை கடக்க வேண்டும். பின்னர் ஆளுநர் நாயகம் ஒப்புதல் அளித்தால்தான் அது சட்டமாகும்.
மோசடி, தவறான தகவல் அல்லது முக்கிய தகவலை தெரிந்தே மறைத்தல் போன்ற குறிப்பிட்ட காரணங்களிலேயே குடியுரிமை ரத்து செய்யப்படலாம். அரசியல் சூழல் மாறியதால் மட்டும் செல்லுபடியாகும் குடியுரிமைச் சான்றிதழை IRCC ரத்து செய்யாது என தெரிவிக்கப்பட்டுள்ளது.
ஜூன் 2026ல் சில விண்ணப்பதாரர்களிடம் சான்றிதழ்களைத் திருப்பி அளிக்கக் கோரப்பட்டதுடன், புதிய சான்றிதழ் விண்ணப்பங்களின் இறுதிச் செயலாக்கமும் தற்காலிகமாக நிறுத்தப்பட்டது. பின்னர் ஆய்வு முடிந்து செயலாக்கம் மீண்டும் தொடங்கப்பட்டது. சான்றிதழ் பெற்றவர்களில் 1 சதவீதம் மட்டுமே பாதிக்கப்பட்டதாக IRCC கூறியது.
