குறிப்பாக வேலை அனுமதி, கல்வி அனுமதி, பார்வையாளர் விசா மற்றும் பெற்றோர் தாத்தா பாட்டிகளுக்கான சிறப்பு விசா விண்ணப்பங்களின் காத்திருப்பு காலங்களில் நாடுகளுக்கு ஏற்ப மாற்றங்கள் ஏற்பட்டுள்ளன.
பாகிஸ்தானிலிருந்து சமர்ப்பிக்கப்படும் வேலை அனுமதி விண்ணப்பங்களுக்கான காத்திருப்பு காலம் 11 வாரங்களில் இருந்து 25 வாரங்களாக அதிகரித்துள்ளது. இந்தியாவுக்கு 9 வாரங்கள் நைஜீரியாவுக்கு 7 வாரங்கள் பிலிப்பைன்ஸுக்கு 6 வாரங்கள் மற்றும் அமெரிக்காவுக்கு 3 வாரங்கள் என மதிப்பிடப்பட்டுள்ளது.
கல்வி அனுமதி விண்ணப்பங்களில் நைஜீரியாவுக்கான காலம் 6 வாரங்களில் இருந்து 7 வாரங்களாகவும் பிலிப்பைன்ஸுக்கு 4 வாரங்களில் இருந்து 5 வாரங்களாகவும் அதிகரித்துள்ளது. இந்தியாவுக்கு 5 வாரங்களாக உள்ளது.
பார்வையாளர் விசாவைப் பொறுத்தவரை இந்தியாவுக்கான காத்திருப்பு காலம் 22 நாட்களில் இருந்து 27 நாட்களாகவும், பாகிஸ்தானுக்கு 43 நாட்களில் இருந்து 48 நாட்களாகவும், நைஜீரியாவுக்கு 64 நாட்களில் இருந்து 68 நாட்களாகவும் அதிகரித்துள்ளது.
பெற்றோர் மற்றும் தாத்தா பாட்டிகளுக்கான சிறப்பு விசாவில் பிலிப்பைன்ஸுக்கான காத்திருப்பு காலம் 73 நாட்களில் இருந்து 100 நாட்களாக உயர்ந்துள்ளது. இந்தியாவுக்கு 52 நாட்களில் இருந்து 56 நாட்களாக அதிகரித்துள்ளது.
இந்தக் கால அளவுகள் விண்ணப்பத்திற்கு முடிவு கிடைக்கும் உறுதியான காலக்கெடு அல்ல எனவும் ஆவணச் சரிபார்ப்பு விண்ணப்பத்தின் தன்மை மற்றும் நிலுவையிலுள்ள விண்ணப்பங்களின் எண்ணிக்கையைப் பொறுத்து காலம் மாறுபடலாம் எனவும் தெரிவிக்கப்பட்டுள்ளது.
