நீதிமன்ற உத்தரவின் பேரில் மருத்துவப் பரிசோதனை
சந்தேகநபர்கள் தங்களது உடலுக்குள் கொக்கெயினை மறைத்து வைத்துள்ளார்களா என்பதை உறுதிப்படுத்துவதற்காக, நீதிமன்ற உத்தரவின் பேரில் இந்தப் பரிசோதனை நடத்தப்பட்டது. இந்த வழக்கில் கைது செய்யப்பட்ட பெண், கடந்த 12ஆம் திகதி கொழும்பு மாவட்ட குற்றப்பிரிவினரால் கைது செய்யப்பட்ட நான்கு வெளிநாட்டவர்களில் ஒருவராவார்.
கொழும்பு கொல்பிட்டியில் உள்ள ஹோட்டல் மற்றும் வணிக வளாகத்தில் நடத்தப்பட்ட நடவடிக்கையின்போது, இரண்டு ஆண்கள் மற்றும் இரண்டு பெண்கள் உட்பட நான்கு வெளிநாட்டவர்கள் கைது செய்யப்பட்டனர். அப்போது 1.46 கிலோ கொக்கெயின் பொலிஸாரால் கைப்பற்றப்பட்டது.
பின்னர் நான்கு சந்தேகநபர்களும் கோட்டை நீதவான் நீதிமன்றத்தில் முன்னிலைப்படுத்தப்பட்டனர். அவர்களை மேலதிக விசாரணைக்காக ஏழு நாட்கள் தடுத்து வைத்து விசாரிக்க நீதிமன்றம் உத்தரவிட்டது. Colombo cocaine bust தொடர்பான மேலதிக விசாரணைகளை கொழும்பு மாவட்ட குற்றப்பிரிவு முன்னெடுத்து வருகிறது.
