பொதுநலவாய நாடாளுமன்றச் சங்கத்தின் மேம்பட்ட நாடாளுமன்ற வளர்ச்சி குடியிருப்பு திட்டம், குவேர்ன்சியின் செயின்ட் பீட்டர் போர்ட்டில் 2026 அக்டோபர் 12 முதல் 16ஆம் தேதி வரை நடைபெறுகிறது. ஐந்து நாட்கள் நடைபெறும் இந்தத் திட்டத்தை, குவேர்ன்சி நாடாளுமன்றமான States of Deliberation-ன் ஆதரவுடன் CPA Parliamentary Academy ஏற்பாடு செய்துள்ளது.
நாடாளுமன்ற நடைமுறைகளை வலுப்படுத்தும் பயிற்சி
பொதுநலவாய நாடுகளைச் சேர்ந்த சுமார் 30 நாடாளுமன்ற உறுப்பினர்கள் இதில் கலந்துகொள்கின்றனர். கென்யா, நமீபியா, மால்டா, பாகிஸ்தான், செயின்ட் லூசியா, கனடா, அவுஸ்திரேலியா மற்றும் குவேர்ன்சி ஆகிய இடங்களின் பிரதிநிதிகளும் பங்கேற்கின்றனர்.
சட்டமூலங்களை ஆய்வு செய்தல், குழுப் பணிகள், தொடர்பாடல் மற்றும் 21ஆம் நூற்றாண்டில் நாடாளுமன்ற உறுப்பினர்களின் மாறிவரும் பங்கு உள்ளிட்ட அம்சங்களில் இந்தப் பயிற்சி கவனம் செலுத்துகிறது.
திட்டத்தின் ஒரு பகுதியாக, குவேர்ன்சி நாடாளுமன்றத்தில் காலியாகும் ஆசனங்களை நிரப்பும் நடைமுறையை விளக்கும் Reform (Guernsey) (Amendment) Law, 2025 தொடர்பான மாதிரி நாடாளுமன்ற விவாதத்திலும் பங்கேற்பாளர்கள் ஈடுபட்டனர்.
மேலும், வழிகாட்டல் அமர்வுகள், நாடாளுமன்றக் குழு மாதிரிப் பயிற்சிகள் மற்றும் குவேர்ன்சியின் நாடாளுமன்ற நிறுவனங்களுடனான கலந்துரையாடல்களும் இடம்பெறுகின்றன. Commonwealth Parliamentary Residency திட்டம் நாடாளுமன்றத் திறன்களை மேம்படுத்தவும், அனுபவப் பரிமாற்றத்தை ஊக்குவிக்கவும், பொதுநலவாய நாடுகளின் நாடாளுமன்ற உறுப்பினர்களிடையேயான ஒத்துழைப்பை வலுப்படுத்தவும் நோக்கமாகக் கொண்டுள்ளது.
