கட்டணம் மற்றும் பயண நேரம்
துபாய் முதல் அபுதாபி வரையிலான பயணத்துக்கு Comfort வகுப்பில் ஒருவருக்கான கட்டணம் 39 திர்ஹம்ஸில் தொடங்குகிறது. Premium வகுப்புக்கான கட்டணம் 109 திர்ஹம்ஸில் தொடங்குகிறது.
துபாய் நிலையத்தில் இருந்து முதல் ரயில் காலை 6.15 மணிக்கு புறப்படும். நாள் முழுவதும் மேலும் நான்கு சேவைகள் முன்பதிவுக்குக் கிடைக்கும். துபாய்–அபுதாபி பயணம் ஒரு மணி நேரம் நான்கு நிமிடங்களில் நிறைவடையும் என தெரிவிக்கப்பட்டுள்ளது. துபாயில் இருந்து ஃபுஜைரா செல்ல தற்போது ஒரு சேவை மட்டுமே உள்ளது; அந்தப் பயணம் ஒரு மணி நேரம் 10 நிமிடங்கள் ஆகும்.
Comfort வகுப்பில் இலவச Wi-Fi, ஒவ்வொரு இருக்கையிலும் மின் இணைப்பு மற்றும் உணவு, பான சேவை கிடைக்கும். Premium வகுப்பில் சாய்வான அகலமான இருக்கைகள், கூடுதல் கால் இடவசதி, இலவச சிற்றுண்டிகள் மற்றும் அமைதியான பெட்டி வழங்கப்படும்.
துபாய் நிலையம் செப்டம்பர் 30, 2026ல் திறப்பு
Etihad Rail Dubai Abu Dhabi tickets தொடர்பான இந்த முன்பதிவு, துபாய் நிலையம் செப்டம்பர் 30, 2026ல் திறக்கப்பட உள்ள நிலையில் தொடங்கியுள்ளது. அல் யலாயிஸ் நிலையம் என அதிகாரப்பூர்வமாக அழைக்கப்படும் இந்த நிலையம், ஜுமைரா கோல்ஃப் எஸ்டேட்ஸ் பகுதியில், ஷேக் முகம்மது பின் சயீத் சாலை அருகே அமைந்துள்ளது.
மேலும், மெட்ரோவுடன் இணைக்க நடைபாதை பாலம் அமைக்கப்பட்டு வருகிறது. நோல் அட்டையை மெட்ரோ, பேருந்து, டாக்சி மற்றும் ரயில் சேவைகளில் பயன்படுத்தும் வகையில் ஒருங்கிணைப்பு செய்யப்பட உள்ளது.
