ஐரோப்பிய ஒன்றியத்தில் 20,000-க்கும் மேற்பட்டோர் பாதிப்பு
2023 மற்றும் 2024ஆம் ஆண்டுகளில் ஐரோப்பிய ஒன்றிய நாடுகளில் 20,000-க்கும் மேற்பட்ட மனிதக் கடத்தல் பாதிக்கப்பட்டோர் பதிவு செய்யப்பட்டுள்ளனர். முந்தைய காலகட்டத்துடன் ஒப்பிடுகையில் இது 16.1 சதவீத அதிகரிப்பாகும். பதிவு செய்யப்பட்ட எண்ணிக்கையில் அடையாளம் காணப்பட்டவர்கள் மட்டுமே இடம்பெறுவதால், உண்மையான எண்ணிக்கை இதைவிட அதிகமாக இருக்கலாம் என தெரிவிக்கப்பட்டுள்ளது.
பாதிக்கப்பட்டவர்கள் பாலியல் சுரண்டல், கட்டாயத் தொழில், குற்றச் செயல்களில் ஈடுபடுத்தப்படுதல், பிச்சையெடுக்கச் செய்வது மற்றும் கட்டாயத் திருமணம் உள்ளிட்ட பல்வேறு வடிவிலான சுரண்டல்களுக்கு உள்ளாகின்றனர். பாதிக்கப்பட்டோரில் 63 சதவீதம் பெண்கள் மற்றும் சிறுமிகள். இவர்களில் பெரும்பாலானோர் பாலியல் சுரண்டலுக்கு உட்படுத்தப்படுகின்றனர். ஆண்கள் தொடர்பான வழக்குகளில், 74 சதவீதம் தொழிலாளர் சுரண்டலுடன் தொடர்புடையதாக உள்ளது.
பாதிக்கப்பட்டோரில் 36 சதவீதம் ஐரோப்பிய ஒன்றியக் குடிமக்கள்; 64 சதவீதம் மூன்றாம் நாடுகளைச் சேர்ந்தவர்கள். “மனிதர்களை பொருட்களைப் போல விற்பனை செய்யக் கூடாது” என ஐரோப்பிய ஒன்றிய உள்துறை ஆணையரும் முன்னாள் ஆஸ்திரிய நிதியமைச்சருமான மக்னஸ் புரன்னர் தெரிவித்துள்ளார். மனிதக் கடத்தலுக்கு எதிரான திருத்தப்பட்ட உத்தரவைத் தொடர்ந்து செயல்படுத்துவதும் EU human trafficking strategy திட்டத்தின் ஒரு பகுதியாகும்.
