சீட் பெல்ட் இல்லாத பயணிகளுக்கு சட்ட நடவடிக்கை
பொலிஸ் போக்குவரத்து முகாமைத்துவம் மற்றும் வீதி பாதுகாப்புப் பிரிவுக்குப் பொறுப்பான பிரதிப் பொலிஸ் மா அதிபர் W.P.J. சேனாதீர, அதிவேக நெடுஞ்சாலைகளைப் பயன்படுத்தும் வாகனங்களில் சீட் பெல்ட் பொருத்தப்பட்டுள்ள இருக்கைகளின் எண்ணிக்கைக்கு ஏற்ப மட்டுமே பயணிகள் இருக்க வேண்டும் எனத் தெரிவித்துள்ளார்.
பின்புற இருக்கையில் இரண்டு சீட் பெல்ட்கள் மட்டுமே இருந்தால், அங்கு இரண்டு பயணிகள் மட்டுமே பயணிக்க வேண்டும் என அவர் கூறினார். மூன்றாவது பயணி நடுவில், சீட் பெல்ட் இல்லாமல் அமர்ந்தால், அந்தப் பயணிக்கு எதிராக பொலிஸார் சட்ட நடவடிக்கை எடுப்பார்கள் என்றும் அவர் எச்சரித்தார். expressway seat belt rule அனைத்து பயணிகளின் பாதுகாப்பையும் கருத்தில் கொண்டு நடைமுறைப்படுத்தப்படுவதாக பொலிஸார் தெரிவித்துள்ளனர்.
