கல்வியங்காட்டில் பொலிஸ் சோதனை
சந்தேகத்திற்கிடமான நடவடிக்கைகள் தொடர்பாக கிடைத்த தகவலின் அடிப்படையில், ஒக்டோபர் 17ஆம் திகதி யாழ்ப்பாணம் பிராந்திய குற்றப் புலனாய்வுப் பிரிவினர் இந்த வீட்டில் சோதனை நடத்தியுள்ளனர். சோதனையின்போது அதிக கொள்ளளவு கொண்ட இயந்திரங்கள் பொருத்தப்பட்ட ஐந்து மோட்டார் சைக்கிள்கள் வீட்டுக்குள் மறைத்து வைக்கப்பட்டிருந்தது கண்டுபிடிக்கப்பட்டது.
கல்வியங்காடு பகுதியைச் சேர்ந்த 50 வயதுடைய சந்தேகநபர், போலி வாகனப் பதிவு சான்றிதழ்களைத் தயாரிக்கும் நடவடிக்கையில் ஈடுபட்டதாகக் கூறப்படுகிறது. அவர் கைது செய்யப்பட்டதுடன், கைப்பற்றப்பட்ட மோட்டார் சைக்கிள்களும் கோப்பாய் பொலிஸ் நிலையத்திடம் ஒப்படைக்கப்பட்டுள்ளன.
Five high-powered motorcycles seized சம்பவம் தொடர்பில் கோப்பாய் பொலிஸார் மேலதிக விசாரணைகளை முன்னெடுத்து வருகின்றனர். கைப்பற்றப்பட்ட வாகனங்களின் பதிவு மற்றும் அவற்றுடன் தொடர்புடைய ஆவணங்கள் குறித்தும் விசாரணைகள் தொடர்கின்றன.
