இந்த புதிய விதியின் கீழ் 2027 ஜனவரி 1 முதல் நடைபெறும் வேலை விபத்துகள் மற்றும் தொழில்சார் நோய்களுக்கு தினசரி நிவாரணத் தொகை அதிகபட்சம் 4 ஆண்டுகள் மட்டுமே வழங்கப்படும். தற்போது நடைமுறையில் உள்ளபடி குணமடையும் வரை அல்லது உடல்நிலை நிரந்தரமாக நிலைபெறும் வரை வழங்கப்பட்டு வந்த முறை இதில் மாற்றப்படுகிறது.
ஒரு ஊழியருக்கு 4 ஆண்டுகளுக்குப் பின்னரும் வேலை செய்ய முடியாத நிலை தொடருமானால் அது நிரந்தர இயலாமை எனக் கருதப்பட்டு அதற்கான தனி இழப்பீட்டு நடைமுறையின் கீழ் நஷ்டஈடு வழங்கப்படும்.
அதேபோல் நிவாரணத் தொகை பெற்று மீண்டும் வேலைக்குத் திரும்பிய ஒருவர் குறைந்தது ஒரு ஆண்டு தொடர்ந்து பணியாற்றிய பின்னர், மீண்டும் புதிய வேலை விபத்து அல்லது தொழில்சார் நோயால் பாதிக்கப்பட்டால் புதியதாக மீண்டும் அதிகபட்சம் 4 ஆண்டுகள் வரை தினசரி நிவாரணத் தொகையைப் பெற முடியும்.
பிரான்சில் வேலை விபத்து மாற்றம் 2027 ஜனவரி 1 முதல் ஏற்படும் புதிய வழக்குகளுக்கு மட்டுமே பொருந்தும். அதற்கு முன்பு ஏற்பட்ட வேலை விபத்துகள் மற்றும் தொழில்சார் நோய்களுக்கு தற்போதைய விதிமுறைகளே தொடரும்.
