சிறார்களின் வீடுகளுக்குச் சென்று பெற்றோருடன் கலந்துரையாடல்
உலக சிறுவர் தின நிகழ்ச்சிக்காக புளூமெண்டல் சிங்கள வித்தியாலயத்துக்குச் சென்றிருந்த கிராண்ட்பாஸ் பொலிஸார், மாணவர்களுக்கு ஐஸ்கிரீம் வழங்கினர். அப்போது, நீண்டகாலமாக பாடசாலைக்கு வராத சில மாணவர்கள் குறித்து பாடசாலையின் பிரதி அதிபர், சமூக பொலிஸ் பிரிவுக்குப் பொறுப்பான பொலிஸ் சார்ஜன்ட் சமரவிக்ரமவிடம் தெரிவித்தார்.
அதன்பின், மாணவர்களின் பட்டியல் பெறப்பட்டு, கிராண்ட்பாஸ் பொலிஸ் நிலையப் பொறுப்பதிகாரி பிரதான பொலிஸ் பரிசோதகர் திஸாநாயக்கவுடன் கலந்துரையாடப்பட்டது. அவரது வழிகாட்டுதலின் கீழ், பொலிஸ் குழுக்கள் சிறார்களின் வீடுகளுக்குச் சென்று பெற்றோருடன் பேசின. 16 வயது வரை கல்வி கட்டாயம் என்பதை விளக்கியதுடன், சிறார்கள் தொடர்ந்து கல்வி கற்க தேவையான உதவிகள் வழங்கப்படும் என்றும் பொலிஸார் உறுதியளித்தனர்.
இதனைத் தொடர்ந்து சிங்கள, தமிழ் மற்றும் முஸ்லிம் சமூகங்களைச் சேர்ந்த சுமார் 30 சிறார்கள் பாடசாலை சீருடையுடன் கிராண்ட்பாஸ் பொலிஸ் நிலையத்துக்கு வந்தனர். அவர்களுக்கு ஆலோசனையும் சிற்றுண்டியும் வழங்கப்பட்ட பின்னர், பாடசாலைக்குத் திரும்புவதற்கான ஏற்பாடுகள் செய்யப்பட்டன. Grandpass Police school dropout initiative இன் தொடர்ச்சியாக, வருகை கண்காணிப்பு, பாடப்புத்தகங்கள், கல்விப் பொருட்கள் மற்றும் ஊட்டச்சத்து உதவி போன்ற தேவைகளை அடையாளம் காணும் பின்தொடர் திட்டமும் அறிமுகப்படுத்தப்பட்டுள்ளது.
