சுரேந்திரநகரில் நடந்ததாகக் கூறப்படும் கொடுமை
வாபியைச் சேர்ந்த அந்தப் பெண், கணவரைப் பிரிந்து சொடிலா பகுதியைச் சேர்ந்த ஆண் நண்பருடன் சில மாதங்களாக வசித்து வந்ததாகக் கூறப்படுகிறது. இதை அறிந்த கணவர், உறவினர்களுடன் சென்று பெண்ணை அழைத்து வந்து வீட்டில் அடைத்து வைத்ததுடன், செயினால் கட்டியதாகவும் தெரிவிக்கப்பட்டுள்ளது. பின்னர் அந்தப் பெண் மீண்டும் தப்பிச் சென்று ஆண் நண்பருடன் வசிக்கத் தொடங்கியதாகக் கூறப்படுகிறது.
இதனால் ஆத்திரமடைந்த கணவர், உறவினர்களுடன் சொடிலாவுக்குச் சென்று இருவரையும் சுரேந்திரநகருக்கு அழைத்து வந்ததாக போலீஸார் தெரிவித்தனர். அங்கு இருவரையும் மரத்தில் கட்டி வைத்து, திருமணத்துக்கு அப்பாற்பட்ட உறவு வைத்திருந்ததாகக் கூறி அந்தப் பெண்ணை ஆண் நண்பருடன் பொதுமக்கள் முன்னிலையில் பாலியல் உறவு வைத்துக்கொள்ளக் கட்டாயப்படுத்தியதாகவும், அதை காணொளியாக பதிவு செய்ததாகவும் குற்றச்சாட்டு உள்ளது.
தூய்மைப்படுத்தும் சடங்கு எனக் கூறி பெண்ணைக் கூட்டுப் பாலியல் வன்கொடுமை செய்து தாக்கியதாகவும், அவரது ஆண் நண்பரை அவமதிக்கும் வகையில் சிறுநீரைக் குடிக்கச் செய்ததாகவும் கூறப்படுகிறது. பின்னர் காணொளி சமூக வலைத்தளங்களில் வெளியானதைத் தொடர்ந்து விசாரணை தொடங்கியது. Gujarat sexual assault case தொடர்பாக சமூக பெரியவர்களும் போலீஸாருக்கு தகவல் அளித்தனர். பாதிக்கப்பட்ட பெண் புகார் அளிக்காத நிலையிலும், கணவர் உட்பட 9 பேரை போலீஸார் கைது செய்துள்ளனர். கைது செய்யப்பட்டவர்களில் இருவர் பெண்கள்.
