யாழ். கொழும்பு தொடருந்து பயணிகளுக்கு மகிழ்ச்சித் தகவல்

அதன்படி, வடக்கு தொடருந்து வழித்தடம் முழுமையாக தொடருந்து சேவைகளுக்காக மீண்டும் திறக்கப்பட்டுள்ளதாக இலங்கை தொடருந்து திணைக்களம் அறிவித்துள்ளது. இது தொடர்பான தகவல், தொடருந்து திணைக்களம் வெளியிட்டுள்ள விசேட அறிக்கையில் தெரிவிக்கப்பட்டுள்ளது.

‘யாழ் தேவி’ தொடருந்து மீண்டும் சேவை

அந்தவகையில், ‘யாழ் தேவி’ எனப்படும் புகழ்பெற்ற தொடருந்து சேவை, இன்று முதல் கொழும்பு கோட்டை மற்றும் காங்கேசன்துறை இடையே வடக்கு தொடருந்து வழித்தடத்தில் மீண்டும் இயக்கப்பட உள்ளது.

இந்த தொடருந்து சேவை,

• குளிரூட்டப்பட்ட (AC) முதலாம் வகுப்பு
• இரண்டாம் வகுப்பு

பெட்டிகளுடன் இயக்கப்படும் என இலங்கை தொடருந்து திணைக்களம் தெரிவித்துள்ளது.

முன்பதிவு செய்யப்பட்ட இருக்கைகள்

மேலும், பயணிகளின் வசதிக்காக முன்பதிவு செய்யப்பட்ட இருக்கைகள் வழங்கப்படும் என்றும் திணைக்களம் அறிவித்துள்ளது.

வடக்கு மாகாண மக்களுக்கும், யாழ்ப்பாணம் நோக்கி பயணம் செய்யும் சுற்றுலாப் பயணிகளுக்கும் இந்த மீள்தொடக்கம் பெரும் நிம்மதியை அளிப்பதாகக் கருதப்படுகிறது.