ஆதார் அட்டையால் வெளிச்சத்துக்கு வந்த உண்மை
செப்டம்பர் 21, 2026 அன்று, சிறுமியைக் காணவில்லை எனக் கூறி கோவளம் காவல் நிலையத்தில் புகார் அளிக்கப்பட்டது. மறுநாள் நெய்யார் பகுதியில் ஆண் நண்பருடன் சிறுமி கண்டுபிடிக்கப்பட்டார். அவர் 20 வயது எனக் கூறிய நிலையில், கைப்பேசியில் இருந்த இரண்டு ஆதார் அட்டைகளில் ஒன்றில் 16 வயது எனப் பதிவாகியிருந்தது போலீஸாரின் சந்தேகத்தை ஏற்படுத்தியது.
விசாரணையில், கோவளத்தில் உள்ள இரண்டு ஸ்பாக்களில் சிறுமி அடைத்து வைக்கப்பட்டு பாலியல் வன்கொடுமைக்கு ஆளாக்கப்பட்டதாகத் தெரியவந்தது. எதிர்த்தபோது அடித்தும், நெருப்பால் சூடு வைத்தும் துன்புறுத்தியதாக போலீஸார் கூறினர். அங்கிருந்த இளைஞரின் உதவியுடன் சிறுமி தப்பிச் சென்றதாகவும் தெரிவிக்கப்பட்டுள்ளது.
தொடரும் போலீஸ் விசாரணை
சிறுமியின் சித்தி, அவரது ஆண் நண்பர், ‘ட்ரீம்ஸ்’ ஸ்பாவை நிர்வகித்த நிஷாந்த், அதை நடத்தி வந்ததாகக் கூறப்படும் அனுரூப் மற்றும் ‘ஆயுர் கேரளா’ ஸ்பா நிர்வாகி சஜித் குமார் ஆகியோர் கைது செய்யப்பட்டுள்ளனர். ஸ்பாக்களின் சிசிடிவி காட்சிகள் அழிக்கப்பட்டுள்ளதாகவும், குற்றத்தில் ஈடுபட்டவர்களை அடையாளம் காண விசாரணை நடைபெறுவதாகவும் போலீஸார் தெரிவித்துள்ளனர். கூடுவாஞ்சேரி சம்பவம் தொடர்பாக ஜீரோ எஃப்.ஐ.ஆர் பதிவு செய்து அங்குள்ள காவல் நிலையத்துக்கு அனுப்பப்பட்டுள்ளது. Kovalam minor abuse case விசாரணை தொடர்ந்து நடைபெற்று வருகிறது.
