தொழிலாளர்களை ஏற்றிச் சென்ற பேருந்து, மண் மேடு மற்றும் உலோக வேலியில் மோதிய பின்னர் விபத்துக்குள்ளானது. சில தொழிலாளர்களுக்கு பல்வேறு அளவுகளில் எலும்பு முறிவுகள் ஏற்பட்டதாக பாதுகாப்பு வட்டாரத் தகவல்கள் தெரிவிக்கின்றன.
அல்-ஜஹ்ரா மருத்துவமனையில் சிகிச்சை
விபத்து தொடர்பான தகவல் கிடைத்ததும், குவைத் உள்துறை அமைச்சகத்தின் செயல்பாட்டு அறை நடவடிக்கை மேற்கொண்டது. காவல்துறை ரோந்து பிரிவினர், போக்குவரத்து அதிகாரிகள் மற்றும் அவசர மருத்துவக் குழுக்கள் சம்பவ இடத்துக்கு விரைந்தனர்.
காயமடைந்த 22 பேரும் ஆம்புலன்ஸ் மூலம் அல்-ஜஹ்ரா மருத்துவமனைக்கு அழைத்துச் செல்லப்பட்டனர். பெரும்பாலானோர் மருத்துவக் கண்காணிப்பில் வைக்கப்பட்ட நிலையில், மூவர் தீவிர சிகிச்சை பிரிவில் அனுமதிக்கப்பட வேண்டிய அளவுக்கு கவலைக்கிடமான நிலையில் இருந்தனர்.
போக்குவரத்து மற்றும் மீட்புப் பணிகள் நடைபெறும் போது, திட்ட மேலாளரும் சம்பவ இடத்தில் இருந்தார். Kuwait bus crash விபத்தின் சூழ்நிலைகள் மற்றும் காரணத்தை கண்டறிய அதிகாரிகள் தேவையான விசாரணை நடவடிக்கைகளைத் தொடங்கியுள்ளனர்.
