இரு மாணவிகள் பாலியல் வன்கொடுமைக்கு ஆளானதாகவும், அவர்களில் ஒருவர் தற்கொலை செய்துகொண்டதாகவும் செய்தி பரவியது. இதையடுத்து மாணவர்கள் போராட்டத்தில் ஈடுபட்டனர். போராட்டம் வன்முறையாக மாறியதுடன், பல்கலைக்கழக வளாகத்தில் தீவைக்கப்பட்டதாகவும் பொருட்கள் சேதப்படுத்தப்பட்டதாகவும் தெரிவிக்கப்பட்டுள்ளது. இதனால் அங்கு அதிக அளவில் போலீஸார் குவிக்கப்பட்டனர்.
விடுதி மாணவிகள் அளித்த விளக்கம்
பல்கலைக்கழகப் பதிவாளர் டாக்டர் மோனிகா குலாட்டி வெளியிட்ட வீடியோவில், பெண்கள் விடுதி 3-ன் அறை எண் 504-ல் வசிக்கும் மூன்று மாணவிகளிடம் பேசினார். பாலியல் வன்கொடுமை நடந்ததாகக் கூறப்பட்ட அந்த அறையில் அத்தகைய சம்பவம் எதுவும் நடைபெறவில்லை என்று மூவரும் தெரிவித்தனர்.
தங்களை போலீஸாரும் பிற மாணவர்களும் தொடர்ந்து தொந்தரவு செய்ய வேண்டாம் என்று முதல் மாணவி கேட்டுக்கொண்டார். மற்றொரு மாணவி, தாங்கள் கடும் மன உளைச்சலில் இருப்பதாகவும், தொடர்ந்து சிக்கல் ஏற்பட்டால் பெற்றோரிடம் தெரிவிக்க வேண்டிய நிலை ஏற்படும் என்றும் கூறினார். மூன்றாவது மாணவி, போலீஸார் தங்கள் அறைக்கு மீண்டும் மீண்டும் வருவதை நிறுத்த வேண்டும் எனக் கேட்டுக்கொண்டார்.
இதற்கிடையில், மூன்று மாணவிகளும் வெளியிட்ட தனி வீடியோவில், என்ன கூற வேண்டும் என்று தங்களுக்கு அறிவுறுத்தப்பட்டதாகவும், தங்களின் வாக்குமூலம் அனுமதியின்றி பயன்படுத்தப்பட்டதாகவும் தெரிவித்தனர். பல்கலைக்கழக நிர்வாகம் ஆரம்பம் முதலே இந்தத் தகவல் வதந்தி எனக் கூறி வருகிறது. Lovely Professional University rumour குறித்து பதிவாளர், போராட்டம் மற்றும் அமைதியின்மைக்குப் பின்னால் பல்கலைக்கழகத்திற்கு அவப்பெயர் ஏற்படுத்தும் முயற்சி இருப்பதாகக் கூறினார்.
