கொள்ளை குறித்து பல்வேறு கோணங்களில் விசாரணை
வீட்டின் பின்பக்கக் கதவு கட்டர் மூலம் உடைக்கப்பட்டு கொள்ளை நடந்துள்ளது. மதுமிதா, வீட்டில் இருந்த நகை மற்றும் பணம் தொடர்பான வீடியோக்களை சமூக வலைதளங்களில் வெளியிட்டிருந்தார். அந்த வீடியோக்களைப் பார்த்து கொள்ளைத் திட்டமிடப்பட்டிருக்கலாமா என்ற கோணத்திலும் ராஜாக்கமங்கலம் போலீஸார் விசாரித்து வருகின்றனர்.
மதுமிதா தனது கணவர் வினோத்குமாருடன் வசித்து வருகிறார். வினோத்குமார் ஏலக்காய் வியாபாரம் செய்து வருவதாக கூறப்படுகிறது. கடந்த 26-ம் தேதி முதல் மதுமிதா வழக்கம்போல் சமூக வலைதளங்களில் வீடியோக்களை வெளியிடத் தொடங்கியதாகவும் தெரிவிக்கப்பட்டுள்ளது. 2020-ம் ஆண்டு முதல் யூடியூப்பில் செயல்பட்டு வரும் அவருக்கு நான்கு லட்சத்துக்கும் மேற்பட்ட பின்தொடர்பாளர்கள் உள்ளனர்.
மும்பையிலிருந்து அவரது வீடியோக்களைப் பார்த்து கொள்ளை திட்டமிடப்பட்டதாக தகவல் கிடைத்துள்ளதாக போலீஸார் தெரிவித்துள்ளனர். தம்பதியின் பின்னணி மற்றும் அவர்களின் நெருங்கிய வட்டாரங்கள் குறித்தும் விசாரணை நடைபெறுகிறது. மதுமிதா முழுமையாக ஒத்துழைக்கவில்லை என போலீஸார் கூறியுள்ளனர். அவருக்கு எதிராக முன்பு வடசேரி காவல் நிலையத்தில் ஐ.டி.பி. ஆக்ட் பிரிவின் கீழ் வழக்கு இருப்பதாகவும் தெரிவிக்கப்பட்டுள்ளது.
இந்த வழக்கில் இரண்டு, மூன்று கோணங்களில் தீவிர விசாரணை நடைபெறுவதாக கன்னியாகுமரி டி.எஸ்.பி. பிரகாஷ் தெரிவித்துள்ளார். Nagercoil YouTuber jewellery robbery வழக்கில் ஓரிரு நாள்களில் உரிய விவரங்கள் தெரியவரும் என அவர் கூறினார்.
