ராமநாதபுரம் மாவட்டம் முதுகுளத்தூர், பூங்குளம் பகுதியைச் சேர்ந்த உத்திரா, கணவர் ரஞ்சித் குமாருடன் திருப்பூர் மாவட்டம் பல்லகவுண்டன்பாளையத்தில் வாடகை வீட்டில் வசித்து வந்தார். ரஞ்சித் குமார் கட்டட வேலை செய்து வந்த நிலையில், உத்திரா பெருந்துறையில் உள்ள தனியார் மருத்துவமனையில் அண்மையில் செவிலியராகப் பணியில் சேர்ந்திருந்தார்.
காட்டுப்பகுதியில் சடலம் மீட்பு
கடந்த 14ஆம் தேதி மாலை, உத்திராவை வீட்டிற்கு அழைத்துச் செல்ல ரஞ்சித் மருத்துவமனைக்குச் சென்றார். அவர் ஏற்கனவே வீட்டிற்குப் புறப்பட்டுவிட்டதாக மருத்துவமனை தரப்பில் தெரிவிக்கப்பட்டது. ஆனால், உத்திரா வீட்டிலும் இல்லாததுடன், செல்போனிலும் தொடர்பு கொள்ள முடியவில்லை. இதையடுத்து ரஞ்சித் காவல்துறையில் புகார் அளித்தார்.
இந்த நிலையில், பெருந்துறை விஜயமங்கலம் டோல்கேட் அருகே பொன் கைலாஷ் நகர் செல்லும் வழியில் உள்ள காட்டில் இளம்பெண் சடலம் கிடப்பதாக காவல்துறையினருக்கு நேற்று தகவல் கிடைத்தது. அங்கு சென்ற போலீசார் அழுகிய நிலையில் இருந்த சடலத்தை மீட்டனர். அருகில் கிடந்த உடைகள் மற்றும் காலணிகள் மூலம் அது உத்திராவின் உடல் என உறுதி செய்யப்பட்டது.
உத்திரா வழக்கமாக கணவருடன் வீட்டிற்கு செல்வார் என போலீசார் தெரிவித்தனர். அவர் கடத்தப்பட்டு கொலை செய்யப்பட்டாரா அல்லது வேறு காரணம் உள்ளதா என்பது குறித்து விசாரணை நடைபெற்று வருகிறது. Perundurai nurse death investigation விரைவில் உண்மையை வெளிக்கொணரும் என போலீசார் தெரிவித்துள்ளனர்.
