திருப்பூர் மாவட்டம் பல்லக்கவுண்டன்பாளையத்தில் கணவருடன் வசித்து வந்த உத்ரா, பெருந்துறையில் உள்ள தனியார் மருத்துவமனையில் செவிலியராகப் பணியாற்றி வந்தார். கடந்த 14ஆம் தேதி பணியை முடித்த பிறகு அவர் வீடு திரும்பவில்லை. இதையடுத்து அவரது கணவர் ரஞ்சித், ஊத்துக்குளி காவல்நிலையத்தில் அன்றைய தினமே புகார் அளித்தார்.
தாலிக்கொடி அபகரிக்க திட்டமிட்டு கொலை
உத்ராவைத் தேடியபோது, விஜயமங்கலம் சுங்கச்சாவடி அருகே பொன் கைலாஷ் நகர் செல்லும் வழியில் உள்ள காட்டுப்பகுதியில் பெண் சடலம் கிடப்பதாக காவல்துறைக்கு தகவல் கிடைத்தது. அருகில் கிடந்த உடைகள் மற்றும் காலணிகள் மூலம் அது உத்ராவின் உடல் என உறுதி செய்யப்பட்டது.
விசாரணையில், அதே மருத்துவமனையில் பணியாற்றிய 23 வயது சரவணன், பணி நிமித்தமாக இருசக்கர வாகனத்தில் உத்ராவை அழைத்துச் சென்றது தெரியவந்தது. மக்கள் நடமாட்டம் இல்லாத இடத்தில் அவரது துப்பட்டாவால் கழுத்தை நெரித்து கொலை செய்து, நான்கு பவுன் தங்கத் தாலிக்கொடியை எடுத்துச் சென்றதாக காவல்துறை தெரிவித்துள்ளது.
இயல்பாக இருந்த சரவணனை விசாரித்து கைது செய்த காவல்துறையினர், அவரிடமிருந்து தங்க நகைகளை மீட்டுள்ளனர். நீதிமன்றத்தில் ஆஜர்படுத்தப்பட்ட அவர் சிறையில் அடைக்கப்பட்டார். Perundurai nurse murder வழக்கில் அடுத்தகட்ட விசாரணை நடைபெற்று வருகிறது.
