அறிமுகம் இல்லாத நபரிடம் உதவி கேட்ட மூதாட்டி
ஈரோடு மாவட்டம் புளியம்பட்டி அருகிலுள்ள காயிதே மில்லத் தெருவில் முத்தம்மாள் வசித்து வருகிறார். கணவர் முத்துசாமி உயிரிழந்த நிலையில், அவர் தனியாக வாழ்ந்து வருகிறார். வீட்டில் சமையலுக்கு பயன்படுத்திய எரிவாயு சிலிண்டர் மதிய நேரத்தில் தீர்ந்துள்ளது.
இதையடுத்து, புதிய சிலிண்டரை பொருத்துவதற்காக அந்த வழியாக நடந்து சென்ற அறிமுகம் இல்லாத நபர் ஒருவரை முத்தம்மாள் உதவிக்கு அழைத்துள்ளார். வீட்டுக்குள் சென்ற அந்த நபர் சிலிண்டரை மாற்றிக் கொடுத்ததாக கூறப்படுகிறது. உதவிக்கு நன்றி தெரிவிக்கும் வகையில் அவருக்கு முத்தம்மாள் தேநீர் வழங்கியுள்ளார்.
அந்த நேரத்தில் வீட்டை நோட்டமிட்டதாக கூறப்படும் நபர், சமையலறையில் இருந்த மிளகாய்த் தூளை தண்ணீரில் கலந்து முத்தம்மாளின் கண்களில் ஊற்றியுள்ளார். பின்னர், அவரது கழுத்தில் இருந்த இரண்டரை பவுன் தங்கச் செயினை பறித்துக்கொண்டு அங்கிருந்து சென்றதாக புகார் அளிக்கப்பட்டுள்ளது.
முத்தம்மாள் அளித்த புகாரின் அடிப்படையில் புளியம்பட்டி காவல்துறையினர் விசாரணை நடத்தி வருகின்றனர். Puliampatti gold chain robbery தொடர்பாக தீவிர விசாரணை நடைபெற்று வருவதாக காவல்துறையினர் தெரிவித்துள்ளனர்.
