துணை விமானி தன்னை கத்தியால் தாக்கியதாகவும், அந்தத் தாக்குதல் விமானத்தை விபத்துக்குள்ளாக்கும் முயற்சியாக இருந்ததாகவும் அவர் கூறினார். தாக்குதலின்போது தரையில் விழுந்ததாகவும், தலையில் காயங்களுடன் இருந்தபோதும் விமானியின் அறைக் கதவைத் திறந்ததாகவும் கேப்டன் ஸ்மித் மச்சார் தெரிவித்தார்.
விமானத்தை காப்பாற்ற எழுந்த போராட்டம்
“நான் என் உயிருக்காகப் போராடினேன். நான் எழுந்திருக்காவிட்டால் பயணிகள் உயிரிழந்திருப்பார்கள் என்பதை ஒரு கட்டத்தில் உணர்ந்தேன்” என்று அவர் பிரதமர் மோடியிடம் கூறினார்.
புதன்கிழமை நடந்த இந்தச் சம்பவத்தில், டெல் அவிவ் நோக்கிச் சென்ற flydubai விமானம் 30 விநாடிகளுக்குள் சுமார் 14,000 அடி உயரம் குறைந்தது. விமானத்தில் 174 பேர் இருந்தனர். பின்னர் அது அவசரமாக சவுதி அரேபியாவின் வடமேற்குப் பகுதியில் உள்ள தபூக் நகருக்கு திருப்பி இறக்கப்பட்டது.
அந்தக் கடினமான நேரத்தில் வலிமைக்காக ஹனுமான் சாலிசாவை பாராயணம் செய்ததாக Smit Machchhar flydubai pilot கூறினார். “அனுமன் எனக்கு தைரியம் அளித்தார்” என்றும் அவர் தெரிவித்தார்.
இந்திய பிரதமர் அலுவலகம் வெளியிட்ட காணொளியில், மருத்துவமனைப் படுக்கையில் கட்டுகளுடன் இருந்த அவர் கண்ணீர் மல்கப் பேசினார். இஸ்ரேல் பிரதமர் பெஞ்சமின் நெதன்யாகுவும் அவரது நடவடிக்கையைப் பாராட்டி, அவரை வீரர் எனக் குறிப்பிட்டுள்ளார்.
