2018 துப்பாக்கிச்சூடு தொடர்பான பின்னணி
ஸ்டெர்லைட் ஆலைக்கு எதிரான போராட்டத்தின் 100-வது நாளான 2018 மே 22-ம் தேதி, போராட்டக்காரர்கள் மாவட்ட ஆட்சியர் அலுவலகத்தை நோக்கிச் சென்றபோது கலவரம் ஏற்பட்டது. அப்போது போலீஸார் நடத்திய துப்பாக்கிச்சூட்டில் 2 பெண்கள் உட்பட 13 பேர் சம்பவ இடத்திலேயே உயிரிழந்தனர். போலீஸாரின் தடியடியால் 100-க்கும் மேற்பட்டோர் காயமடைந்து சிகிச்சை பெற்றனர்.
அந்த நேரத்தில் மஞ்சள் நிற டி-சர்ட் மற்றும் கருப்பு நிற பேண்ட் அணிந்து, போலீஸ் வேன் மீது ஏறி போராட்டக்காரர்களை நோக்கி துப்பாக்கியால் சுடும் காவலரின் புகைப்படம் வெளியாகி பெரும் அதிர்வை ஏற்படுத்தியது. அந்த காவலர் ராஜா என அடையாளம் காணப்பட்டார். சம்பவம் தொடர்பான வீடியோ காட்சிகள் மற்றும் புகைப்படங்கள், அருணா ஜெகதீசன் ஆணையத்தின் விசாரணையில் முக்கிய ஆதாரங்களாக இருந்தன.
இந்த Thoothukudi Sterlite shooting விவகாரம் தொடர்பான குற்றப்பத்திரிக்கை சென்னை உயர் நீதிமன்றத்தில் தாக்கல் செய்யப்பட்டுள்ளதாக தெரிவிக்கப்பட்டுள்ளது. விசாரணையும் சட்ட நடவடிக்கைகளும் தொடர்ந்து நடைபெற்று வரும் நிலையில் ராஜா உயிரிழந்துள்ளார். அவருக்கு மனைவியும் இரண்டு மகன்களும் உள்ளனர்.
