கடந்த 2023-ம் ஆண்டு தொடங்கப்பட்ட இந்தப் படம் பல்வேறு காரணங்களால் வெளியாவதில் தாமதம் ஏற்பட்டது. தற்போது வெளியீட்டு தேதி உறுதி செய்யப்பட்டுள்ளது. பயணத்துக்கு தயாராகுங்கள் என்றும், ட்ரெயின் திரைப்படம் டிசம்பர் 4 அன்று உலகம் முழுவதும் வெளியாகும் என்றும் விஜய் சேதுபதி தெரிவித்துள்ளார்.
ட்ரெயின் திரைப்படத்தின் கதை பின்னணி
ரயில் பயணத்தை மையமாகக் கொண்ட இந்தக் கதையில், வாழ்க்கையை வெறுக்கும் கதாநாயகன் தனது மனைவியின் சமாதியில் ஒரு சிறிய செடியை வைத்துவிட்டு ரயிலில் ஏறுகிறார். அந்தப் பயணத்தின்போது நடைபெறும் பல்வேறு சம்பவங்களில் அவர் ஈடுபடுகிறார். இறுதியில், அந்தப் பயணம் அவருக்கு வாழ்க்கையை கற்றுத் தருகிறது என மிஷ்கின் முன்பு தெரிவித்திருந்தார்.
வி கிரியேஷன்ஸ் சார்பில் தாணு தயாரித்துள்ள இப்படத்தில் ஸ்ருதி ஹாசன், நாசர், டிம்பிள் ஹயாதி, ஜெயராம், நரேன் உள்ளிட்டோர் முக்கிய கதாபாத்திரங்களில் நடித்துள்ளனர். படத்துக்கு மிஷ்கினே இசையமைத்துள்ளார். Train movie release date தொடர்பான அறிவிப்பால் படத்தை எதிர்பார்த்துள்ள ரசிகர்களிடம் கவனம் அதிகரித்துள்ளது.
