புதுக்கோட்டை மாவட்டத்தைச் சேர்ந்த கோவிந்தராசு (46), தனது நண்பர் மகாதேவனுடன் திருப்பூரில் இருந்து மங்களூர் விரைவு ரயிலில் பொதுப்பெட்டியில் பயணம் செய்துள்ளார். இருவரும் திருச்சி கோட்டை ரயில் நிலையத்தை அடைந்தபோது, நடைமேடையில் மதுபோதையில் இருந்த சுமார் 20 வயதுடைய மூன்று இளைஞர்கள் அவர்களைத் தகாத வார்த்தைகளால் திட்டியதாக கூறப்படுகிறது.
பின்னர் அந்த இளைஞர்கள் அரிவாளால் இருவரையும் வெட்டிவிட்டு அங்கிருந்து தப்பிச் சென்றதாக தெரிவிக்கப்பட்டுள்ளது. இதில் கோவிந்தராசு மற்றும் மகாதேவன் இருவருக்கும் காயம் ஏற்பட்டது. இதுகுறித்து திருச்சி இருப்புப் பாதை காவல் நிலையத்தில் புகார் அளிக்கப்பட்டது.
ரயில்வே பாதுகாப்புப் படையுடன் இணைந்து விசாரணை
புகாரின் அடிப்படையில், காவல்துறையினர் ரயில்வே பாதுகாப்புப் படை காவலர்களுடன் இணைந்து விசாரணை நடத்தினர். இதன் தொடர்ச்சியாக, திருச்சி வாமடம் பகுதியைச் சேர்ந்த மோகனின் மகன் தங்க குமார் (27) கைது செய்யப்பட்டார். அவர் 15 நாட்கள் திருச்சி மத்திய சிறையில் அடைக்கப்பட்டார்.
இந்த வழக்கில் தொடர்புடைய மற்றொருவரான மாரியப்பன் என்ற எலி மாரியப்பன் (23) என்பவரையும் போலீஸார் கைது செய்துள்ளனர். Trichy railway station attack சம்பவத்துக்குப் பிறகு, ரயில் நிலையங்களில் பயணிகளின் பாதுகாப்பு குறித்து பொதுமக்கள் கேள்வி எழுப்பியுள்ளனர்.
