சிபிஐக்கு புதிய நிலை அறிக்கை தாக்கல் செய்ய உத்தரவு
விசாரணையை முழுமையாக முடித்து இறுதி அறிக்கை தாக்கல் செய்ய மேலும் 3 மாதங்கள் தேவைப்படுவதாக சிபிஐ தெரிவித்தது. குற்றம்சாட்டப்பட்டவர்கள் வெளியே இருப்பது சாட்சிகளை அச்சுறுத்தவும், சாட்சியங்களை கலைக்கவும் வாய்ப்புள்ளதாகவும், எனவே அவர்களின் ஜாமீனை ரத்து செய்து மீண்டும் நீதிமன்றக் காவலில் வைக்க வேண்டும் என்றும் சிபிஐ வலியுறுத்தியது.
இதற்கு எதிர்ப்பு தெரிவித்த குற்றம்சாட்டப்பட்டோர் தரப்பு வழக்கறிஞர்கள், சாட்சிகளை மிரட்டியதற்கான ஆதாரமின்றி பொதுவான குற்றச்சாட்டுகளின் அடிப்படையில் ஜாமீனை ரத்து செய்யக் கூடாது என்றனர். அவர்கள் விசாரணைக்கு ஒத்துழைக்கத் தயாராக இருப்பதாகவும் தெரிவித்தனர். தமிழக அரசு சார்பில் ஆஜரான பி.கருணாகரன், அதிகாரிகளுக்கு எதிரான நீதிமன்ற அவமதிப்பு வழக்கை கைவிடக் கோரினார்.
ஆம்ஸ்ட்ராங் கொலை வழக்கின் தற்போதைய புலன் விசாரணை நிலை குறித்த விரிவான புதிய அறிக்கையை 2 வாரங்களுக்குள் தாக்கல் செய்ய சிபிஐக்கு உச்ச நீதிமன்றம் உத்தரவிட்டது. அதன் பின்னர் அடுத்த 2 வாரங்களுக்குள் அனைத்து தரப்பினரும் பதில் மனுக்களை தாக்கல் செய்ய வேண்டும் என்றும் கூறியது.
சென்னை உயர் நீதிமன்றம் ஜாமீனை ரத்து செய்த உத்தரவுக்கு விதிக்கப்பட்ட இடைக்காலத் தடை தொடர்ந்து நீடிக்கும். இதனால் குற்றம்சாட்டப்பட்டவர்கள் தற்போதைக்கு வெளியே இருக்க முடியும். Armstrong murder case bail தொடர்பான அடுத்த விசாரணை நவம்பர் 3-ஆம் தேதிக்கு ஒத்திவைக்கப்பட்டது.
