அக்‌ஷய் குமார் நடிக்கும் புதிய க்ரைம் டிராமா படத்துக்கு சென்னையில் பூஜை

புதிய படத்தில் இணையும் நடிகர்கள் மற்றும் தொழில்நுட்பக் குழு

இந்தப் படத்தை செவன் ஸ்கிரீன் ஸ்டூடியோ சார்பில் எஸ். எஸ். லலித் குமார் தயாரிக்கிறார். எல். கே. விஷ்ணு குமார் இணை தயாரிப்பாளராகப் பணியாற்றுகிறார். ஹெச். வினோத்திடம் பணியாற்றிய விஷ்ணு அமரன், இந்தப் படத்தின் மூலம் இயக்குநராக அறிமுகமாகிறார்.

மலையாள நடிகர்கள் சுராஜ் வெஞ்சரமூடு மற்றும் சேத்தன் ஆகியோர் முக்கிய கதாபாத்திரங்களில் நடிக்கின்றனர். ஹேஷம் அப்துல் வஹாப் இசையமைக்கிறார். சரவணன் ராமசாமி ஒளிப்பதிவு செய்கிறார்.

வெவ்வேறு களங்களையும் மாறுபட்ட கதாபாத்திரங்களையும் மையமாகக் கொண்ட க்ரைம் டிராமா படமாக இது உருவாகிறது. பார்வையாளர்களுக்கு புதிய அனுபவத்தை வழங்கும் வகையில் படம் அமையும் எனப் படக்குழு தெரிவித்துள்ளது. இதற்கிடையில், அக்‌ஷய் குமார் நடித்துள்ள ‘ராவடி’ திரைப்படம் டிசம்பர் 24-ம் தேதி வெளியாகிறது. Akshay Kumar crime drama படத்தின் வெளியீட்டு தேதி குறித்து எந்த அறிவிப்பும் வெளியாகவில்லை.