பாதிக்கப்பட்டவரின் வாகனத்தில் இருந்த 3 குடும்ப உறுப்பினர்கள், சம்பவ இடத்துக்கு அருகில் இருந்த மற்றொரு வாகனத்தில் இருந்த 2 பேர் மற்றும் பெட்ரோல் நிலைய ஊழியர்கள் ஆகியோரிடம் விசாரணை நடத்தப்பட்டுள்ளது. துப்பாக்கிச் சூட்டில் இடது தோளில் காயமடைந்த தொழிலதிபர், ஆரம்ப சிகிச்சைக்காக தாப்பா மருத்துவமனைக்கு கொண்டு செல்லப்பட்டார். பின்னர் சீரி போத்தானி மருத்துவமனையில் சிகிச்சையும் அறுவைச் சிகிச்சையும் பெற்ற அவர், தற்போது நிலையான நிலையில் உள்ளார்.
மூன்று சந்தேகநபர்களைத் தேடும் போலீசார்
சம்பவத்தின் காரணம் இதுவரை உறுதி செய்யப்படவில்லை என பேராக் போலீஸ் தலைவர் டத்தோக் முகமது அல்வி சைனால் அபிடின் தெரிவித்துள்ளார். பல கோணங்களில் விசாரணை நடைபெற்று வருவதாகவும், காரணம் உறுதியான பின்னர் அறிவிக்கப்படும் என்றும் அவர் கூறினார்.
Bidor petrol station shooting சம்பவத்தில் ஓட்டுநர் உட்பட 3 பேர் ஈடுபட்டிருக்கலாம் என போலீசார் சந்தேகிக்கின்றனர். அவர்கள் பயன்படுத்திய வாகனத்தின் பதிவு எண் போலியானதாக இருக்கலாம் எனவும் கூறப்பட்டுள்ளது. பெட்ரோல் நிலைய கண்காணிப்பு கேமரா பதிவுகளில், பாதிக்கப்பட்டவர் முன்புறத்திலும் வலப்புறத்திலும் இருந்து சுடப்பட்டிருப்பது தெரியவந்துள்ளது.
சந்தேகநபர்களின் வாகனம் வேகமாக வந்து பாதிக்கப்பட்டவரின் வாகனத்துக்கு முன் நின்று துப்பாக்கிச் சூடு நடத்தியதாக போலீசார் தெரிவித்தனர். அவர் பின்தொடரப்பட்டாரா என்ற கோணத்திலும் விசாரணை நடக்கிறது. சுங்கச்சாவடிகள் உள்ளிட்ட இடங்களின் கேமரா பதிவுகள் ஆய்வு செய்யப்பட்டும், சந்தேகநபர்கள் சுங்கச்சாவடியை விட்டு வெளியேறியதற்கான தகவல் கிடைக்கவில்லை.
