சமஸ்திபூர் அருகிலுள்ள ஜகத்சிங்பூர் கிராமத்தில் இந்தச் சம்பவம் நடந்ததாக தெரிவிக்கப்பட்டுள்ளது. இளம்பெண்ணும் அவரது ஆண் நண்பரும் இருசக்கர வாகனத்தில் வந்து, புகைப்படம் எடுப்பதற்காக சாலையோரம் வாகனத்தை நிறுத்தியுள்ளனர். அப்போது பைக்குகளில் வந்த கும்பல் அவர்களைச் சுற்றி வளைத்ததாக கூறப்படுகிறது.
அந்தக் கும்பல் இளம்பெண்ணை தகாத வார்த்தைகளால் திட்டி, சாலையில் தள்ளி துன்புறுத்தியதாகவும் தகவல் வெளியாகியுள்ளது. சம்பவத்தைப் பதிவு செய்த காணொலி வைரலான நிலையில், அதில் காணப்படும் நபர்கள் ஜகத்சிங்பூர் கிராமத்தைச் சேர்ந்தவர்கள் என உள்ளூர்வாசிகள் தெரிவித்துள்ளனர்.
குற்றவாளிகளைத் தேடும் போலீசார்
இதுவரை சம்பந்தப்பட்ட நபர்களை அடையாளம் கண்டு கைது செய்ய முடியவில்லை என்று போலீசார் தெரிவித்துள்ளனர். இந்த விவகாரம் தீவிரமாக விசாரிக்கப்படுவதாகவும், யாரும் தப்பிக்க முடியாது என்றும் போலீசார் கூறினர்.
காணொலியில் தெரியும் நபர்களின் அடையாளங்களையும், சம்பவம் நடந்த இடத்தையும் சரிபார்த்து குற்றவாளிகளை விரைவில் கைது செய்வோம் என்று போலீஸ் அதிகாரி அரவிந்த் பிரதாப் சிங் தெரிவித்தார். Bihar harassment case தொடர்பான இந்த விசாரணை நடைபெற்று வரும் நிலையில், சில நாட்களுக்கு முன்பு ஜமுயில் மாணவி மற்றும் அவரது சக மாணவர் துன்புறுத்தப்பட்ட சம்பவத்தில் மூவர் கைது செய்யப்பட்டிருந்தனர்.
