இதன்படி CIT 0001 விண்ணப்பப் படிவம், CIT 0014 ஆவணப் பட்டியல், CIT 0555 Physical Presence படிவம் மற்றும் விண்ணப்ப வழிகாட்டி ஆகிய நான்கு முக்கிய ஆவணங்களில் மாற்றங்கள் செய்யப்பட்டுள்ளன.
1,095 நாட்கள் கனடாவில் இருந்ததை நிரூபிக்க வேண்டும்
2025 டிசம்பர் 15 அல்லது அதற்குப் பின்னர் கனடாவுக்கு வெளியே பிறந்த குழந்தைகளுக்கு, அவர்களின் கனேடிய பெற்றோரும் கனடாவுக்கு வெளியே பிறந்தவராக இருந்தால் புதிய Physical Presence விதி முக்கியமானதாகும்.
அந்த பெற்றோர் குழந்தை பிறப்பதற்கு முன்னர் மொத்தமாக குறைந்தது 1,095 நாட்கள் கனடாவில் உடல்ரீதியாக இருந்ததை நிரூபிக்க வேண்டும். இந்த நாட்கள் தொடர்ச்சியாக இருக்க வேண்டிய அவசியமில்லை.
என்ன ஆவணங்களை வழங்கலாம்?
1,095 நாட்களை நிரூபிப்பதற்காக வேலைவாய்ப்பு மற்றும் கல்விப் பதிவுகள், T4 ஆவணங்கள், பாடசாலை அல்லது கல்வி Transcript, Passport மற்றும் Entry/Exit பதிவுகள், வீட்டு வாடகை அல்லது Mortgage பதிவுகள், Insurance ஆவணங்கள் மற்றும் கனேடிய அரசாங்க பதிவுகள் உள்ளிட்ட ஆதாரங்களை சமர்ப்பிக்கலாம்.
சில சந்தர்ப்பங்களில் மத அமைப்புகள், தொழிற்சங்கங்கள், தன்னார்வ அமைப்புகள் அல்லது தொடர்புடைய மூன்றாம் தரப்பினரின் Affidavit ஆவணங்களும் பயன்படுத்தப்படலாம். ஆனால் விண்ணப்பதாரரின் நெருங்கிய குடும்ப உறுப்பினர்கள் இத்தகைய Affidavit வழங்க முடியாது.
மேலும், சமர்ப்பிக்கப்படும் ஆவணங்கள் தெளிவான, வாசிக்கக்கூடிய நிறப் பிரதிகளாக இருக்க வேண்டும் என்றும் IRCC தெரிவித்துள்ளது.
யாருக்கு இந்த விதி பொருந்தாது?
2025 டிசம்பர் 15க்கு முன்னர் பிறந்தவர்களுக்கு இந்த 1,095 நாள் Physical Presence நிபந்தனை பொருந்தாது. Bill C-3 மூலம் முந்தைய first-generation limit நீக்கப்பட்டுள்ளதால், இந்தப் பிரிவினரின் குடியுரிமை உரிமைக்கு இந்த புதிய Physical Presence சோதனை இணைக்கப்படவில்லை.
