கனடா அரசு 2026 ஏப்ரல் 30 முதல் அனைத்து குடியேற்ற (immigration) திட்டங்களிலும் கனடாவில் நிரந்தர குடியுரிமை (Permanent Residence – PR) விண்ணப்ப கட்டணங்களை உயர்த்தியுள்ளது.
இந்த புதிய கட்டண மாற்றம் Express Entry Provincial Nominee Program (PNP), குடும்ப இணைப்பு (Family Sponsorship) மனிதாபிமான (Humanitarian) மற்றும் பாதுகாப்பு பிரிவுகள் உள்ளிட்ட அனைத்து PR வழிகளுக்கும் பொருந்தும்.
புதிய கட்டண உயர்வு 2026 ஏப்ரல் 30 அன்று முதல் அமலுக்கு வந்துள்ளது, மேலும் அந்த தேதிக்குப் பிறகு சமர்ப்பிக்கப்படும் அனைத்து விண்ணப்பங்களும் புதிய கட்டணங்களின் கீழ் செயல்படுத்தப்படும். கனடா குடியேற்றத்துறை (IRCC) தெரிவித்ததாவது இந்த உயர்வு பணவீக்கம் (inflation) மற்றும் விண்ணப்பங்களின் அதிகரித்த தேவையை சமாளிக்கவும் சேவைகளை தொடர்ந்து வழங்கவும் அவசியமானது என கூறப்பட்டுள்ளது.
இந்த கட்டண அமைப்பின் படி Right of Permanent Residence Fee $575 இலிருந்து $600 ஆக உயர்ந்துள்ளது. Economic class மற்றும் PNP விண்ணப்பங்களுக்கான கட்டணம் சுமார் $950 இலிருந்து $990 ஆக உயர்ந்துள்ளது.
Business category கட்டணங்கள் $1,810 இலிருந்து $1,895 ஆக உயர்ந்துள்ளன. Family sponsorship மற்றும் humanitarian விண்ணப்பங்களிலும் சிறிய அளவில் கட்டண உயர்வு ஏற்பட்டுள்ளது.
இந்த மாற்றம் அனைத்து குடியேற்ற விண்ணப்பதாரர்களுக்கும் கூடுதல் செலவினத்தை ஏற்படுத்தும் என்று நிபுணர்கள் கூறுகின்றனர். குறிப்பாக புதிய விண்ணப்பதாரர்கள் மற்றும் குடும்பங்களுடன் குடியேற விரும்புவோருக்கு இந்த கட்டண உயர்வு முக்கிய பாதிப்பை ஏற்படுத்தும் என எதிர்பார்க்கப்படுகிறது.
அதே நேரத்தில் இந்த உயர்வு கனடாவின் குடியேற்ற சேவைகளை மேம்படுத்தும் நோக்கத்துடன் செய்யப்பட்டதாக அதிகாரிகள் விளக்கமளித்துள்ளனர்.
