நீண்ட நாட்களாக கார் பந்தயத்தில் கவனம் செலுத்தி வந்த அஜித் குமார், அடுத்ததாக ‘குட் பேட் அக்லி’ படத்தை இயக்கிய ஆதிக் ரவிச்சந்திரனுடன் மீண்டும் இணைகிறார். பிரேவ்ஹார்ட் பேனரின் கீழ், அஜித்தின் மனைவி ஷாலினி இந்தப் படத்தை தயாரிக்கிறார். படப் பணிகள் நவம்பர் 2ஆம் தேதி தொடங்கும் என முன்பு தெரிவிக்கப்பட்டிருந்தது.
அஜித்துடன் நடிப்பதில் மகிழ்ச்சி: பார்த்திபன்
தனது பதிவில், “இன்று டேர் டெவில் நாள். சிறந்தவரான அஜித் குமாருடன் இணைந்து நடிப்பதிலும், இயக்குநர் ஆதிக் ரவிச்சந்திரனுடன் பணியாற்றுவதிலும் மிகவும் மகிழ்ச்சி” என்று பார்த்திபன் குறிப்பிட்டுள்ளார். இதன் மூலம் Parthiban in Dare Devil தொடர்பான தகவல் உறுதியாகியுள்ளது.
இயக்குநர் ஆதிக் ரவிச்சந்திரன் சமீபத்திய பேட்டியில், ஸ்ரீலீலா, பிரபு, பார்த்திபன், சுனில் உள்ளிட்டோர் முக்கிய கதாபாத்திரங்களில் நடிக்க இருப்பதாகத் தெரிவித்திருந்தார். படத்துக்கு அனிருத் இசையமைக்கிறார். அபிநந்தன் ராமானுஜம் ஒளிப்பதிவையும், விஜய் வேலுக்குட்டி படத்தொகுப்பையும் மேற்கொள்கின்றனர்.
