2025ல் குடியேறிகள் எண்ணிக்கை வரலாற்று உச்சம் – ஐரோப்பிய ஒன்றியம்

2025 ஆம் ஆண்டில் ஐரோப்பிய ஒன்றியம் (EU) முழுவதும் வாழும் குடியேறிகளின் எண்ணிக்கை வரலாற்றிலேயே அதிகபட்சமாக உயர்ந்து சுமார் 64.2 மில்லியன் ஆக பதிவாகியுள்ளது.

இது 2024 ஆண்டுடன் ஒப்பிடும்போது சுமார் 2.1 மில்லியன் அதிகரிப்பு என்பதையும், 2010ஆம் ஆண்டில் இருந்த 40 மில்லியன் எண்ணிக்கையுடன் ஒப்பிடுகையில் பெரிய வளர்ச்சியையும் காட்டுகிறது.

இந்த வளர்ச்சி ஐரோப்பிய நாடுகளுக்கிடையே சமமாக இல்லாமல் காணப்படுகிறது. குறிப்பாக ஜெர்மனி அதிகபட்ச குடியேறிகளை தங்க வைத்துள்ள நாடாக இருந்து சுமார் 18 மில்லியன் வெளிநாட்டு பிறப்பினர் அங்கு வசித்து வருகின்றனர்.

மேலும் ஸ்பெயின் கடந்த ஆண்டு மிக வேகமான வளர்ச்சியை பதிவு செய்து சுமார் 700,000 புதிய குடியேறிகள் சேர்ந்து மொத்த எண்ணிக்கை 9.5 மில்லியனாக உயர்ந்துள்ளது.

லக்ஸ்சம்பர்க் மால்டா மற்றும் சைப்ரஸ் போன்ற சிறிய நாடுகளில் மொத்த மக்கள்தொகையுடன் ஒப்பிடும்போது குடியேறிகள் விகிதம் அதிகமாக உள்ளது. அதேசமயம் அகதிகள் விண்ணப்பங்களும் சில நாடுகளில் மட்டுமே அதிகமாக உள்ளன.

குறிப்பாக ஸ்பெயின், இத்தாலி, பிரான்ஸ் மற்றும் ஜெர்மனி ஆகிய நான்கு நாடுகள் இணைந்து மொத்த விண்ணப்பங்களில் மூன்றில் நான்கு பங்கினை பெற்றுள்ளன.

இந்த தரவுகள் ஐரோப்பாவில் குடியேற்றம் தொடர்ந்து அதிகரித்து வருவதையும் அதே நேரத்தில் அது சில முக்கிய நாடுகளில் மட்டுமே அதிகமாக சுமையாக இருப்பதையும் வெளிப்படுத்துகின்றன. இது வேலைவாய்ப்பு சந்தை, பொருளாதாரம் மற்றும் சமூக அமைப்புகளுக்கு முக்கியமான தாக்கத்தை ஏற்படுத்தும் ஒரு முக்கிய வளர்ச்சியாக கருதப்படுகிறது.