அணு ஆயுதச் சுமையின்றி நடத்தப்பட்ட சோதனை
மக்ரோன், Marine nationale-வின் பல்நோக்கு போர்க்கப்பலான Auvergne-இலிருந்து ஏவுகணை சோதனையைப் பார்த்தார். M51 ஏவுகணையின் மூன்றாவது பதிப்பான M51.3, அணு ஆயுதச் சுமையின்றி ஏவப்பட்டதாக பிரான்ஸ் ஆயுதப்படைகள் அமைச்சகம் தெரிவித்துள்ளது. அது வடக்கு அட்லாண்டிக் கடலில், எந்தக் கடற்கரையிலிருந்தும் பல நூறு கிலோமீட்டர் தொலைவில் விழுந்தது.
Le Vigilant நீர்மூழ்கிக் கப்பல் பராமரிப்பு மற்றும் பழுதுபார்ப்பு பணிகளுக்குப் பிறகு M51 ஏவுகணையை இயக்கும் திறனை உறுதிப்படுத்தும் SMERTRIOS நடவடிக்கையின் கீழ் இந்தச் சோதனை நடத்தப்பட்டது. ஏவுகணையின் பறப்புப் பாதை முழுவதும் அதிகாரிகளால் கண்காணிக்கப்பட்டதாகவும், பிரான்சின் சர்வதேசப் பொறுப்புகள் கடைப்பிடிக்கப்பட்டதாகவும் தெரிவிக்கப்பட்டுள்ளது.
ஐரோப்பிய பதற்றத்தின் மத்தியில் சோதனை
ஐரோப்பாவில் பதற்றம் அதிகரித்துள்ள சூழலில் இந்த நிகழ்வு நடந்துள்ளது. ரஷ்யாவுடன் தொடர்புடையதாகக் கூறப்படும் தொடர் “கலப்பு” தாக்குதல்களுக்குப் பின்னர், ரஷ்யாவின் ஆக்கிரமிப்பு தன்மையும் ஐரோப்பிய நாடுகளுக்கு எதிரான அச்சுறுத்தல்களும் மாறிவருவதாக மக்ரோன் எச்சரித்திருந்தார்.
France M51.3 missile test வெற்றிகரமாக முடிந்தது, பிரான்சின் அணுசக்தித் தடுப்புத் திறன் நம்பகமானது என்பதை காட்டுவதாக மக்ரோன் கூறினார். கடந்த 2017ஆம் ஆண்டிலிருந்து நாட்டின் பாதுகாப்பு திறன்களை நவீனப்படுத்தும் பணிகள் முன்னெடுக்கப்பட்டுள்ளதாகவும், பத்து ஆண்டுகளில் பாதுகாப்புப் பட்ஜெட் இரட்டிப்பாகும் என்றும் அவர் குறிப்பிட்டார். ஐரோப்பிய நாடுகள் பிரான்சின் விரிவுபடுத்தப்பட்ட அணுசக்தித் தடுப்புக் கொள்கையில் இணையலாம் என்றும் அவர் முன்மொழிந்துள்ளார்.
