செப்டம்பர் 11ஆம் தேதி வீடு திரும்பிய மாணவி, சிலர் தன்னை அறையில் அடைத்துவைத்து மிரட்டி பாலியல் வன்கொடுமை செய்ததாகக் கூறினார். இதையடுத்து, காணாமல் போன வழக்கு போக்சோ வழக்காக மாற்றப்பட்டது. மாணவி ஆசாரிப்பள்ளம் மருத்துவக் கல்லூரி மருத்துவமனைக்கு உடல் பரிசோதனை மற்றும் சிகிச்சைக்காக அனுப்பப்பட்டார்.
சமூக வலைதள நட்பு மூலம் தொடங்கிய பிரச்சினை
இன்ஸ்டாகிராம் மூலம் அறிமுகமான அஜன் என்ற இளைஞர், மாணவியுடன் இருந்த அந்தரங்கக் காட்சிகளைப் பயன்படுத்தி மிரட்டியதாக போலீஸார் தெரிவித்தனர். உதவி கேட்டு அணுகிய விவேக், அந்த வாய்ப்பைப் பயன்படுத்தி மாணவியிடம் பாலியல் வன்கொடுமையில் ஈடுபட்டதாகக் கூறப்படுகிறது.
பின்னர் தினேஷ், பிரச்சினைக்குத் தீர்வு காண உதவுவதாகக் கூறி மாணவியை வெள்ளிச்சந்தைக்கு அழைத்துள்ளார். அங்குள்ள அடுக்குமாடி குடியிருப்பு வீட்டில் மாணவியை அடைத்துவைத்து, தினேஷும் அவரது நண்பர் ஆன்றோ ஜெரிஷும் பாலியல் வன்கொடுமை செய்ததாக போலீஸ் விசாரணையில் தெரிவிக்கப்பட்டுள்ளது.
இந்த Kanyakumari POCSO case-ல் அஜன், விவேக், தினேஷ், ஆன்றோ ஜெரிஷ் ஆகியோர் மீது போக்சோ உள்ளிட்ட ஆறு பிரிவுகளில் வழக்குப் பதிவு செய்யப்பட்டுள்ளது. செப்டம்பர் 27ஆம் தேதி அஜனும் விவேக்கும் கைது செய்யப்பட்டனர். தலைமறைவான தினேஷ் மற்றும் ஆன்றோ ஜெரிஷ், செல்போன் டவர் கண்காணிப்பு மூலம் சென்னையில் கைது செய்யப்பட்டனர். நால்வரும் நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டுள்ளனர்.
