இந்தியன் வங்கி அதிகாரிகள் எனக் கூறி மோசடி
கரூர் மாவட்டம் குளித்தலை காவேரி நகரைச் சேர்ந்தவர் ராமசாமி. இவரது மொபைல் எண்ணைத் தொடர்புகொண்ட மர்ம நபர்கள், இந்தியன் வங்கியில் இருந்து பேசுவதாக தெரிவித்துள்ளனர். மேலும், அவரது ஏ.டி.எம் கார்டு லாக் ஆகிவிட்டதாகவும், அதைச் சரிசெய்ய கார்டு எண் மற்றும் ஓ.டி.பி நம்பர் தேவைப்படுவதாகவும் கூறியுள்ளனர்.
அவர்களின் பேச்சை உண்மை என நம்பிய ராமசாமி, ஏ.டி.எம் கார்டு எண் மற்றும் ஓ.டி.பி நம்பரைத் தெரிவித்துள்ளார். இதையடுத்து, அவரது சேமிப்பு கணக்கிலிருந்து ரூ.10,96,090 எடுக்கப்பட்டுள்ளது. பணம் எடுக்கப்பட்டதற்கான குறுஞ்செய்தி மொபைல் எண்ணுக்கு வந்த பிறகே மோசடி நடந்தது அவருக்குத் தெரியவந்தது.
இதனால் அதிர்ச்சியடைந்த ராமசாமி அளித்த புகாரின் பேரில் கரூர் சைபர் கிரைம் போலீஸார் வழக்குப் பதிவு செய்து விசாரணை நடத்தி வருகின்றனர். Karur ATM OTP fraud தொடர்பாக பணத்தைப் பறித்த மர்ம நபர்களை போலீஸார் வலைவீசி தேடி வருகின்றனர்.
