புகாரின் அடிப்படையில் 4 பேர் கைது
காட்பாடி செங்குட்டை பகுதியில் வசிக்கும் சங்கர் (42), அவருடைய உறவினர் நடராஜன் (32) ஆகியோர் காட்பாடியில் பானிபூரி கடை நடத்தி வருகின்றனர். கடந்த 19ஆம் தேதி அவர்களது கடைக்கு வந்த சில இளைஞர்கள், அந்த பகுதி தங்களுடையது என்றும், கடை நடத்த அனுமதி பெற வேண்டும் என்றும் கூறியதாக தெரிவிக்கப்பட்டுள்ளது.
மேலும், ரூ.500 மாமூல் தர வேண்டும் எனக் கேட்டு மிரட்டியதுடன், தகாத வார்த்தைகளால் திட்டி கடைக்காரர்களைத் தாக்கியதாகவும் புகார் அளிக்கப்பட்டது. இதுதொடர்பாக சங்கரின் மாமியார் காசியம்மாள் காட்பாடி காவல் நிலையத்தில் புகார் அளித்தார்.
புகாரின் பேரில் வழக்குப் பதிவு செய்த போலீஸார் விசாரணை நடத்தினர். இதில், காட்பாடி கே.ஆர்.எஸ். நகரைச் சேர்ந்த எபி என்கிற ராகுல் (21), குமரப்பா நகரைச் சேர்ந்த சந்தோஷ் (25), காட்பாடியைச் சேர்ந்த மணி (22), செங்குட்டையைச் சேர்ந்த ஆகாஷ் (26) ஆகியோர் அடையாளம் காணப்பட்டனர். Katpadi extortion case தொடர்பாக அவர்களை போலீஸார் கைது செய்து நீதிமன்றக் காவலில் அடைத்தனர்.
