சிறுமிகளிடம் ரகசிய வாக்குமூலம்
சமூக ஆர்வலர் ஒருவர் சென்னை போலீஸ் கமிஷனர் அலுவலகத்தில் புகார் அளித்ததைத் தொடர்ந்து, வீரமணியை சென்னை விபச்சார தடுப்புப் பிரிவு போலீஸார் கைது செய்தனர். அவருக்கு உதவியதாகக் கூறப்படும் அவரது தோழி சாந்தி மற்றும் அவரது கணவர் மகேந்திர சிம்கன் ஆகியோரும் கைது செய்யப்பட்டனர்.
84 வயதான வீரமணியை புழல் சிறையிலேயே வைத்து விசாரிக்க போலீஸார் நீதிமன்றத்தில் சிறப்பு அனுமதி பெற்றனர். துணை கமிஷனர் கீதாஞ்சலி, உதவி கமிஷனர் ராஜலட்சுமி ஆகியோர் அவரிடம் விசாரணை நடத்தினர். கைது செய்யாதிருக்க பணம் கொடுத்தீர்களா உள்ளிட்ட கேள்விகளுக்கு, தான் தவறு செய்யவில்லை என்பதால் பணம் கொடுக்க வேண்டிய அவசியமில்லை என்று வீரமணி பதிலளித்ததாக போலீஸார் கூறினர்.
சாந்தி தரப்பில் கிடைத்த தகவல்களின் அடிப்படையில், பாதிக்கப்பட்டதாகக் கூறப்படும் சிறுமிகளை அடையாளம் கண்டு நீதிபதி முன்பு ஆஜர்படுத்தி ரகசிய வாக்குமூலம் பெற்றதாகவும் போலீஸார் தெரிவித்தனர். மேலும், இந்த வழக்கில் நடவடிக்கை எடுக்காததாகக் கூறப்படும் உதவி கமிஷனர் யாஸ்மினிடமும் விசாரணை நடத்தப்பட உள்ளது.
வீரமணியை கைது செய்யாதிருக்க நடந்ததாகக் கூறப்படும் பேரம், வீடியோ விவகாரம் மற்றும் சில போலீஸ் அதிகாரிகளின் தொடர்பு குறித்தும் விசாரணை நடைபெறுகிறது. கிடைத்த ஆதாரங்களின் அடிப்படையில் விரைவில் குற்றப்பத்திரிக்கை தாக்கல் செய்யப்படும் என போலீஸார் தெரிவித்துள்ளனர். Veeramani POCSO case தொடர்பான விசாரணை தொடர்ந்து நடைபெற்று வருகிறது.
