யாழ்ப்பாணத்துக்கான நேரடி விமான இணைப்புக்கான கோரிக்கை
“Bring Direct Flights to Jaffna” என்ற தலைப்பில் வெளியிடப்பட்டுள்ள மனுவில், திருமணங்கள், இறுதிச்சடங்குகள், மத விழாக்கள் மற்றும் குடும்பச் சந்திப்புகளுக்காக யாழ்ப்பாணம் செல்லும் குடும்பங்கள் எதிர்கொள்ளும் சிரமங்கள் குறிப்பிடப்பட்டுள்ளன.
ஹாரோ வெஸ்ட் தொகுதியைப் பிரதிநிதித்துவப்படுத்தும் தோமஸ், தற்போது லண்டனில் இருந்து யாழ்ப்பாணத்துக்கு நேரடி விமானங்கள் இல்லை என்று தெரிவித்துள்ளார். பயணிகள் கொழும்பு வழியாகச் சென்று, அங்கிருந்து மேலும் சுமார் 400 கிலோமீட்டர் பயணிக்க வேண்டியுள்ளது.
கொழும்பில் இருந்து யாழ்ப்பாணத்துக்கான சாலை அல்லது ரயில் பயணம் சுமார் ஆறு முதல் ஏழு மணி நேரம் ஆகும். இதனால் வயதானவர்கள், சிறு குழந்தைகளுடன் பயணிப்பவர்கள் மற்றும் முக்கிய குடும்ப நிகழ்வுகளுக்குச் செல்பவர்கள் அதிக சிரமத்தை எதிர்கொள்கின்றனர்.
London Jaffna direct flights சேவை பயண நேரத்தை குறைத்து, வட இலங்கைக்கான அணுகலை மேம்படுத்தும் என மனுவில் தெரிவிக்கப்பட்டுள்ளது. மேலும், சுற்றுலா, முதலீடு மற்றும் வட மாகாணத்தின் பொருளாதார வளர்ச்சிக்கும் இது உதவக்கூடும் என குறிப்பிடப்பட்டுள்ளது.
வணிக ரீதியாகச் சாத்தியமான நேரடி விமான சேவையை ஆராய்ந்து ஆதரிக்க, பிரிட்டிஷ் அரசு, இலங்கை அதிகாரிகள், விமான நிறுவனங்கள் மற்றும் லண்டன் விமான நிலையங்கள் இணைந்து செயல்பட வேண்டும் என தோமஸ் அழைப்பு விடுத்துள்ளார். இந்த முயற்சிக்கு ஆதரவாக பொதுமக்கள் மனுவில் கையெழுத்திடலாம்.
