நித்திலன் சாமிநாதன் இயக்கத்தில் உருவான இப்படத்தில் விஜய் சேதுபதி, அனுராக் காஷ்யப், மம்தா மோகன்தாஸ், நட்டி, அபிராமி உள்ளிட்டோர் நடித்துள்ளனர். விஜய் சேதுபதியின் 50-வது படமான ‘மகாராஜா’, விமர்சன ரீதியிலும் வசூல் ரீதியிலும் பெரிய வெற்றியைப் பெற்றது.
ஹாலிவுட் ரீமேக்கில் மேத்யூ மெக்கோனஹி?
சுதன் சுந்தரம் மற்றும் ஜெகதீஷ் பழனிசாமி இணைந்து தயாரித்த இப்படத்துக்கு அஜனீஷ் லோக்நாத் இசையமைத்தார். திரையரங்குகளுக்குப் பிறகு ஓடிடியிலும் இப்படத்துக்கு வரவேற்பு கிடைத்தது. சீன மொழியில் டப் செய்யப்பட்டு வெளியானபோதும் அங்கு படத்துக்கு வரவேற்பு கிடைத்ததாக தெரிவிக்கப்பட்டுள்ளது.
ஹாலிவுட் ரீமேக்கில் பிரபல நடிகர் மேத்யூ மெக்கோனஹியை நடிக்க வைக்கத் திட்டமிடப்பட்டுள்ளதாக தயாரிப்பாளர் கூறியுள்ளார். படத்தின் ரீமேக் பணிகள் அடுத்தாண்டு தொடங்கும் என்றும் அவர் தெரிவித்துள்ளார். இந்த Maharaja Hollywood remake, ஹாலிவுட்டில் உருவாகும் முதல் தமிழ்ப் பட ரீமேக் என குறிப்பிடப்பட்டுள்ளது.
இயக்குநர் நித்திலன் சாமிநாதன் கூறுகையில், படம் வெளியாகி இரண்டு ஆண்டுகள் ஆனபோதும் தொடர்ந்து வரவேற்பு கிடைப்பது மகிழ்ச்சி அளிப்பதாக தெரிவித்தார். ஹாலிவுட்டில் ரீமேக் செய்யப்படுவது தமிழ் சினிமாவுக்குப் பெருமை என்றும் அவர் கூறினார். மேலும், ‘மகாராஜா 2’ படத்துக்கான எழுத்துப் பணிகளில் இருப்பதாகவும் தெரிவித்தார்.
