‘மேடி’ படத்தின் படப்பிடிப்பு நிறைவு
அறிமுக இயக்குநர் கார்த்திகேயன் இயக்கும் இப்படத்தில் ரியோவுடன் சானியா ஐயப்பன் இணைந்து நடித்துள்ளார். சிங்கம் புலி, ஆர்.ஜே. விஜய், அஜு வர்கீஸ் உள்ளிட்ட பலரும் முக்கிய கதாபாத்திரங்களில் நடித்துள்ளனர்.
படப்பிடிப்பு நிறைவடைந்ததை முன்னிட்டு, படக்குழு வீடியோ ஒன்றை வெளியிட்டுள்ளது. பெரிய ஆளுமைகள் ஒன்றிணைந்ததால் இந்தப் பயணம் பெரும் நம்பிக்கையுடன் தொடங்கியதாகவும், பெரிய எதிர்பார்ப்புகளுடன் ஆரம்பித்த பயணம் அதைவிடப் பெரிய நினைவுகளுடன் நிறைவடைந்ததாகவும் அதில் தெரிவிக்கப்பட்டுள்ளது.
சிவகார்த்திகேயனின் தயாரிப்பு நிறுவனத்தை கவனித்து வந்த கலையரசு தொடங்கியுள்ள புதிய தயாரிப்பு நிறுவனம் இப்படத்தை தயாரித்துள்ளது. பிரதீப் போத்தன் ஒளிப்பதிவு செய்துள்ளார். திபு நினன் தாமஸ் இசையமைத்திருக்கிறார்.
முன்னதாக, விளையாட்டு மைதானத்தின் பின்னணியில் பார்வையாளர் இருக்கைகளில் ‘சச்சின்’, ‘அஞ்சலி’ என்ற பெயர்கள் கொண்ட இரண்டு ஜெர்ஸிகள் இடம்பெற்ற போஸ்டரை படக்குழு வெளியிட்டிருந்தது. Rio Maddy film shooting முடிவடைந்துள்ள நிலையில், படத்தின் வெளியீட்டு தேதி இன்னும் அறிவிக்கப்படவில்லை.
