நோர்வே அரசாங்கம் செப்டம்பர் 11 அன்று அவரை அமைச்சராக அதிகாரப்பூர்வமாக நியமித்தது. இதன் மூலம் முன்னாள் போக்குவரத்து அமைச்சர் ஜோன்-இவார் நிகோர்டுக்கு பதிலாக அவர் பொறுப்பேற்றுள்ளார். மக்கள் மற்றும் பொருட்களின் போக்குவரத்து தொடர்பான கொள்கைகள், அத்துடன் அஞ்சல் சேவைகள் ஆகியவை அவரது அமைச்சுப் பொறுப்புகளில் அடங்குகின்றன.
நோர்வே அரசியலில் கம்சி குணரத்னத்தின் பயணம்
கம்ஷாஜினி குணரத்னம் 1988ஆம் ஆண்டு இலங்கையில் பிறந்தார். சிறுவயதிலேயே குடும்பத்துடன் நோர்வே சென்ற அவர், தொழிலாளர் கட்சி ஊடாக அந்நாட்டு அரசியலில் ஈடுபட்டார். 19 வயதில், 2007ஆம் ஆண்டு ஒஸ்லோ நகரசபைக்கு தேர்ந்தெடுக்கப்பட்டார்.
2015 முதல் 2021 வரை ஒஸ்லோவின் துணை மேயராகப் பணியாற்றினார். 2021ஆம் ஆண்டு நோர்வே நாடாளுமன்றமான ஸ்டோர்டிங்கிற்கு தேர்ந்தெடுக்கப்பட்ட அவர், 2025-2029 காலகட்டத்திற்கும் மீண்டும் தேர்வானார். 2011ஆம் ஆண்டு தொழிலாளர் கட்சி இளைஞர் முகாமில் இடம்பெற்ற உட்டோயா தாக்குதலில் உயிர் தப்பியவரும் ஆவார்.
இலங்கை விவகாரங்களிலும் அவர் தொடர்ந்து கவனம் செலுத்தி வருகிறார். 2026 பிப்ரவரியில் நோர்வே நாடாளுமன்ற விவாதத்தில் இலங்கையின் மனித உரிமை நிலைமை குறித்து பேசினார். யாழ்ப்பாணம் செம்மணியில் கண்டெடுக்கப்பட்ட மனித எச்சங்கள் மற்றும் போரின்போது காணாமல் போனவர்கள் தொடர்பான தீர்க்கப்படாத கேள்விகள் குறித்தும் அவர் கவலை தெரிவித்தார். Kamzy Gunaratnam Transport Minister நியமனம், அவரது நீண்ட அரசியல் பயணத்தில் முக்கியமான புதிய பொறுப்பாக அமைந்துள்ளது.
