ஆரம்பத்தில் 6.3 ரிக்டர் அளவாக மதிப்பிடப்பட்ட நிலநடுக்கம் பின்னர் 5.9 ஆக திருத்தப்பட்டது. நிலநடுக்கத்தின் போது கட்டிடங்கள் அதிர்ந்ததாகவும், சிலர் நீண்ட நேரம் அதிர்வுகளை உணர்ந்ததாகவும் உள்ளூர் மக்கள் தெரிவித்துள்ளனர்.தே ஆனுவில் உள்ள ஹோட்டல் ஒன்றின் பொறுப்பாளர், நிலநடுக்கம் சுமார் ஒரு நிமிடம் வரை உணரப்பட்டதாகவும், கட்டிடம் அதிர்ந்த போதிலும் பொருட்களுக்கு சேதம் ஏற்படவில்லை என்றும் தெரிவித்துள்ளார்.New Zealand News
சுனாமி எச்சரிக்கை பின்னர் நீக்கப்பட்டாலும் கடற்கரை பகுதிகளில் வலுவான மற்றும் வழக்கத்திற்கு மாறான நீரோட்டங்கள் ஏற்படக்கூடும் என அதிகாரிகள் எச்சரித்துள்ளனர். மக்கள் கடற்கரைகள், துறைமுகங்கள் மற்றும் ஆற்றுப்பகுதிகளில் இருந்து விலகி இருக்குமாறு அறிவுறுத்தப்பட்டனர். இந்த நிலநடுக்கம் தொடர்பாக நியூசிலாந்தின் புவியியல் கண்காணிப்பு அமைப்பான GeoNetக்கு 18,000க்கும் அதிகமான மக்கள் உணர்ந்ததாக பதிவுகள் கிடைத்துள்ளன. இதுவரை உயிரிழப்புகள் அல்லது பெரியளவிலான சேதங்கள் எதுவும் பதிவாகவில்லை என அதிகாரிகள் தெரிவித்துள்ளனர்.
