2025 அக்டோபர் மாதம் முதல் கார்ட்போர்டு டிக்கெட்டுகளின் விற்பனை படிப்படியாக நிறுத்தப்பட்ட நிலையில் 2026 மே 1 முதல் பஸ் மற்றும் டிராம் சேவைகளில் அவை செல்லுபடியாகாது என அறிவிக்கப்பட்டது. தொடர்ந்து 2026 ஜூன் 1 முதல் மெட்ரோ, RER மற்றும் ரயில் சேவைகளிலும் கார்ட்போர்டு டிக்கெட்டுகள் முழுமையாக பயன்பாட்டில் இருந்து நீக்கப்பட்டுள்ளன. இதனால் பழைய காகித டிக்கெட்டுகளை பயன்படுத்தி பயணம் செய்யும் முறை அதிகாரப்பூர்வமாக முடிவுக்கு வந்துள்ளது.
இனி பயணிகள் Navigo Easy, Navigo Liberté+, அல்லது மொபைல் போனில் உள்ள டிஜிட்டல் டிக்கெட் வசதிகளை பயன்படுத்த வேண்டும். ஸ்மார்ட்போன் செயலிகள் மூலம் டிக்கெட்டுகளை வாங்கி நேரடியாக சரிபார்க்கும் வசதியும் வழங்கப்பட்டுள்ளது. France Transport News
பயன்படுத்தப்படாத பழைய கார்ட்போர்டு டிக்கெட்டுகளை வைத்திருப்பவர்கள் அவற்றை RATP அல்லது SNCF கவுண்டர்களில் மாற்றிக் கொள்ளலாம். பணமாக மீளளிப்பு வழங்கப்படாது. ஆனால் €2 மதிப்புள்ள Navigo Easy கார்டில் சமமான டிஜிட்டல் டிக்கெட்டாக மாற்றும் வசதி 2026 செப்டம்பர் 1 வரை வழங்கப்படுகிறது. தினமும் அதிகபட்சம் 5 டிக்கெட்டுகள் வரை மாற்றிக்கொள்ள அனுமதி வழங்கப்பட்டுள்ளது.
போக்குவரத்து நிர்வாகத்தின் தகவலின்படி இந்த மாற்றம் சுற்றுச்சூழல் பாதுகாப்பு காகித கழிவுகளை குறைத்தல் மோசடி தடுப்பு மற்றும் பயண அனுபவத்தை எளிமைப்படுத்துதல் போன்ற நோக்கங்களுக்காக முன்னெடுக்கப்பட்டுள்ளது.
