முக்கிய கிளப்புகளின் பரிமாற்ற நிலவரம்
சிட்டி மொத்தமாக சுமார் 457.5 மில்லியன் பவுண்ட்களை புதிய வீரர்களுக்காக செலவிட்டது. எலியட் ஆண்டர்சன், அயூப் புவாடி, இலிமான் ந்டியே ஆகியோரும் அணியில் இணைந்தனர். அதேவேளை, ஆர்சனல் புருனோ கிமராயஸ், எஸ்ரி கோன்சா உள்ளிட்ட வீரர்களை சேர்த்தாலும், முன்னணி தாக்குதல் வீரரை ஒப்பந்தம் செய்யத் தவறியது. கேப்ரியல் ஜீசஸ் பார்சிலோனாவுக்கு சென்றார்.
செல்சியா மோர்கன் ரோஜர்ஸை 117 மில்லியன் பவுண்ட்களுக்கு வாங்கியது. ஆனால் என்ஸோ பெர்னாண்டஸ் வெளியேறியபின், அந்த இடத்தை நேரடியாக நிரப்ப முடியவில்லை. லிவர்பூல் பிராட்லி பார்கோலாவுக்காக 123 மில்லியன் பவுண்ட்களை செலவிட்டது; எனினும் வலதுபுற பாதுகாப்பு மற்றும் நடுகளத்தில் அணியின் பலவீனம் தொடர்வதாக மதிப்பிடப்படுகிறது.
டாட்டன்ஹாம் சுமார் 400 மில்லியன் பவுண்ட்களுக்கு மேல் செலவிட்டு அணியை முழுமையாக மாற்றியது. நியூகாசில் எட்டு வீரர்களை வாங்கி அணியின் முதுகெலும்பை புதுப்பித்தது. ஆஸ்டன் வில்லா ஒன்பது வீரர்களை விற்று சுமார் 300 மில்லியன் பவுண்ட்களைப் பெற்றது; 10 வீரர்களுக்காக சுமார் 250 மில்லியன் பவுண்ட்களை செலவிட்டது.
ஹல் சிட்டி 18 வீரர்களை ஒப்பந்தம் செய்து, 150 மில்லியன் பவுண்ட்களுக்கு மேல் முதலீடு செய்தது. இப்ஸ்விச் சுமார் 200 மில்லியன் பவுண்ட்களை செலவிட்ட நிலையில், லீட்ஸ் கோல்கீப்பர் ஜேம்ஸ் டிராஃபோர்டை 40.5 மில்லியன் பவுண்ட்களுக்கு வாங்கியது. மொத்தத்தில், இந்த Premier League transfer window பல அணிகளில் தலைமுறை மாற்றத்தையும், சில அணிகளில் தீர்க்கப்படாத குறைபாடுகளையும் வெளிப்படுத்தியுள்ளது.
