இரண்டு ஆண்டுகளில் அதிகபட்சம் 15,700 அனுசரணை விண்ணப்பங்கள் ஏற்கப்படும். இதில் வாழ்க்கைத்துணை அல்லது இணைவர் தொடர்பான 13,300 விண்ணப்பங்களும், பெற்றோர் அல்லது தாத்தா-பாட்டியை அனுசரிப்பதற்கான 2,400 விண்ணப்பங்களும் அடங்கும்.
விண்ணப்ப வரம்பு மற்றும் விலக்குகள்
18 வயது அல்லது அதற்கு மேற்பட்ட சார்ந்த குழந்தைகள் இனி இந்த வரம்பில் சேர்க்கப்படமாட்டார்கள். வரம்பை மீறி பெறப்படும் விண்ணப்பங்கள் பரிசீலிக்கப்படாமல் திருப்பி அனுப்பப்படும்; செலுத்திய கட்டணமும் திருப்பி வழங்கப்படும். ஏற்கனவே சமர்ப்பிக்கப்பட்ட பழைய விண்ணப்பங்களுக்கு முன்னுரிமை அளிக்கப்படும் என்று கியூபெக் குடியேற்றத் துறை தெரிவித்துள்ளது.
சார்ந்த குழந்தைகள், பெற்றோர் இல்லாத சிறார்கள், தத்தெடுக்கப்பட உள்ள குழந்தைகள் ஆகியோருக்கான அனுசரணை விண்ணப்பங்களுக்கு இந்த வரம்பு பொருந்தாது. ஏற்கனவே உள்ள அனுசரணையில் சார்ந்தவர்களைச் சேர்ப்பதும் வரம்புக்கு உட்படாது. பொதுவாக, சார்ந்த குழந்தை 22 வயதுக்குக் குறைவாகவும் திருமணம் செய்யாதவராகவும் இருக்க வேண்டும். உடல் அல்லது மனநலக் காரணங்களால் நிதி சார்பில் இருக்கும் 22 வயதுக்கு மேற்பட்டவர்களும் சில நிபந்தனைகளில் தகுதி பெறலாம்.
Quebec family sponsorship மூலம் கியூபெக்கில் குடியேற விரும்புவோர் முதலில் கியூபெக் தேர்வு சான்றிதழுக்கு (CSQ) விண்ணப்பித்து அதைப் பெற வேண்டும். அதன் பின்னரே நிரந்தர குடியிருப்பு நடைமுறை தொடரும்.
