இந்த இரண்டு நாட்களிலும் முழு நாளும் Corbeil-Essonnes – Melun இடையே ரயில் சேவை நடைபெறாது. அதேபோல் Viry-Châtillon – Corbeil-Essonnes (Ris-Orangis வழியாக) இடையேயும் சேவை நிறுத்தப்படும். மேலும் Stade de France St-Denis – Creil இடையேயும் ரயில்கள் இயக்கப்படாது. பயணிகளுக்காக மாற்று போக்குவரத்தாக பேருந்து சேவைகள் ஏற்பாடு செய்யப்பட்டுள்ளன, ஆனால் சில பகுதிகளில் இரவு 11:50 மணிக்குப் பிறகே மாற்று பேருந்துகள் இயக்கப்படும் என்று அறிவிக்கப்பட்டுள்ளது.
மேலும், மார்ச் 9 முதல் மார்ச் 13 வரை காலை 10:11 முதல் மதியம் 2:23 வரை Corbeil-Essonnes – Malesherbes இடையே ரயில் சேவை இருக்காது. அதேபோல் மார்ச் 9 முதல் மார்ச் 20 வரை தினமும் இரவு 11:35 மணி முதல் Châtelet-les-Halles – Creil இடையேயும் ரயில்கள் இயங்காது. இதற்குப் பதிலாக பேருந்துகள் இயக்கப்படும்.
மேலும் ஏப்ரல் 3 வரை தினமும் இரவு 11:00 மணிக்குப் பிறகு Paris Gare de Lyon – Melun / Corbeil-Essonnes (Évry-Courcouronnes வழியாக) இடையேயும் ரயில் சேவை நிறுத்தப்பட்டிருக்கும். இந்த காலப்பகுதிகளில் பயணிகள் முன்கூட்டியே தங்கள் பயணத்தை திட்டமிடுமாறு போக்குவரத்து அதிகாரிகள் அறிவுறுத்தியுள்ளனர்.
