உணவகங்களில் அதிரடி விலை குறைப்பு எரிவாயு விலை குறைந்ததால் மக்களுக்கு இனிய செய்தி

சமையல் எரிவாயு (LP Gas) விலை குறைக்கப்பட்டதைத் தொடர்ந்து இலங்கையின் பல பகுதிகளில் உள்ள உணவகங்கள் உணவக உணவு விலையை குறைக்கத் தொடங்கியுள்ளன. இதனால் தினசரி உணவகங்களை நம்பியிருக்கும் பொதுமக்களுக்கு குறிப்பிடத்தக்க நிவாரணம் கிடைத்துள்ளது.அகில இலங்கை உணவக உரிமையாளர்கள் சங்கம் தெரிவித்ததாவது எரிவாயு விலை குறைப்பு காரணமாக உற்பத்திச் செலவுகள் ஓரளவு குறைந்துள்ளதால் அதன் பயனை நேரடியாக வாடிக்கையாளர்களுக்கு வழங்கும் நோக்கில் பல உணவுப் பொருட்களின் விலைகள் குறைக்கப்பட்டுள்ளன.குறிப்பாக சாதம், கொத்து, ஃபிரைட் ரைஸ், நூடுல்ஸ் மற்றும் பல பிரபல உணவு வகைகளின் விலைகளில் ரூ.10 முதல் ரூ.100 வரை குறைப்பு செய்யப்பட்டுள்ளதாக சங்கம் தெரிவித்துள்ளது.