ரஷ்யாவின் சுகாதார அமைச்சர் மிகேல் முராஷ்கோ தலைமையிலான உயர்மட்ட பிரதிநிதி குழு மூன்று நாள் உத்தியோகபூர்வ விஜயத்திற்காக இலங்கைக்கு வந்துள்ளார். இந்த விஜயத்தின் போது இலங்கையின் சுகாதார மற்றும் ஊடக அமைச்சராக உள்ள நளிந்த ஜயதிஸ்ஸ மற்றும் வெளிவிவகார அமைச்சராக உள்ள விஜித ஹேரத் ஆகியோருடன் முக்கிய கலந்துரையாடல்கள் நடைபெறவுள்ளதாக தெரிவிக்கப்படுகிறது.

இரு நாடுகளுக்கிடையிலான சுகாதாரத் துறை ஒத்துழைப்பை மேம்படுத்துவது, மருத்துவ சேவைகள் மற்றும் தொழில்நுட்ப பரிமாற்றங்களை விரிவுபடுத்துவது உள்ளிட்ட விடயங்கள் குறித்து இந்த சந்திப்புகளில் கவனம் செலுத்தப்பட உள்ளது. இந்த விஜயம் ரஷ்யா மற்றும் இலங்கை ஆகிய நாடுகளுக்கிடையிலான இருதரப்பு உறவுகளை மேலும் வலுப்படுத்தும் முக்கிய முயற்சியாக கருதப்படுகிறது.