ஒவ்வொரு அமர்வு நாளிலும் காலை 9.30 மணி முதல் 10 மணி வரை நிலையியற் கட்டளை 22இன் 1 முதல் 6 வரையிலான அம்சங்கள் எடுத்துக்கொள்ளப்படும். காலை 10 மணி முதல் 11 மணி வரை வாய்மொழி பதில்களுக்கான கேள்விகளும், 11 மணி முதல் 11.30 மணி வரை நிலையியற் கட்டளை 27(2)ன் கீழான கேள்விகளும் இடம்பெறும்.
நாடாளுமன்றத்தில் எடுத்துக்கொள்ளப்படும் முக்கிய விடயங்கள்
ஒக்டோபர் 20 செவ்வாய்க்கிழமை, எதிர்க்கட்சியால் முன்வைக்கப்படும் ஒத்திவைப்பு பிரேரணை தொடர்பான விவாதம் காலை 11.30 மணி முதல் மாலை 5.30 மணி வரை நடைபெறும். ஒக்டோபர் 21 புதன்கிழமை, பொது கடன் மேலாண்மைச் சட்டத்தின் கீழான தீர்மானம் மற்றும் மேலதிக மதிப்பீடு குறித்து விவாதித்து ஒப்புதல் அளிக்கப்படும். பின்னர் ஐந்து சட்டபூர்வ நிறுவனங்களின் வருடாந்த அறிக்கைகள் விவாதமின்றி அங்கீகரிக்கப்படும்.
ஒக்டோபர் 22 வியாழக்கிழமை, விஷம், அபின் மற்றும் அபாயகரமான போதைப்பொருட்கள் கட்டளைச் சட்டத்தைத் திருத்தும் இரண்டு சட்டமூலங்கள் தொடர்பான இரண்டாம் வாசிப்பு விவாதம் நடைபெறும். ஒக்டோபர் 23 வெள்ளிக்கிழமை, வெறிநாய்க்கடி ஒழிப்பு மற்றும் நாய்கள் பதிவு சட்டமூலத்தின் இரண்டாம் வாசிப்பு விவாதிக்கப்படும். அந்த நாளில் அரசாங்கம் முன்வைக்கும் ஒத்திவைப்பு நேரப் பிரேரணையும் எடுத்துக்கொள்ளப்படும்.
Sri Lanka Parliament session October 20 to 23 கால அட்டவணையின்படி, ஒவ்வொரு நாளின் பிற்பகுதியிலும் ஒத்திவைப்பு நேரக் கேள்விகள் அல்லது பிரேரணைகள் இடம்பெறவுள்ளன.
